同你吟一吟
Eason借老婆晒命
上個禮拜三晚（十月三日）運動品牌 响亞洲博覽館舉行時裝表演加音樂會，身為代言人 嘅 Eason以壓軸嘉賓現身。
傳出婚變多時 嘅黎明樂基兒，終於開腔認離婚，同樣耐不耐就俾人傳婚變 嘅 Eason，乘機借囡囡晒幸福：「做朋友都好大學問，何況做夫婦，有小朋友可能會好 啲，我都係有 咗個女先結婚！」
提到老婆徐濠縈成日俾人話大使，又俾人影到同異性夜蒲， Eason繼續晒命：「成日講（大使） 㗎啦！使極都有呀！吹咩！我夠成日同 啲女仔出去蒲啦，你 哋（記者）影唔到之嘛！」
吹神變囂神，著住品牌新款運動套裝， Eason不斷跳高俾記者影相，不過佢 嘅動作，似幫緊另外一個敵對品牌 嘅籃球鞋賣廣告多 啲！
Eason自誇大把錢老婆使唔晒，仲話有囡囡 喺度婚姻幸福，就算俾人點寫都唔會散！
有錢有女有老婆，吹呀！（設計對白）
Eason又上身，不斷原地跳任影，動作似足另一個品牌 嘅籃球鞋 logo。
嘉賓之一 嘅 Kary，當晚負責行 catwalk同唱歌，不過件外套太短，搞到佢卡住個胸好尷尬。
周柏豪都有份表演，佢呢身潮服，尤其係個褲浪，八珍唔係幾識欣賞。
全站熱搜
留言列表
