國台扮
終於有緋聞 陳妍希瘟徐若瑄舊愛
今年 4月 嚟香港出席金像獎，陳妍希面圓冇腰，經過半年捱麵包減肥，結果成功瘦身不瘦胸，班宅男仲將佢手上攞住 嘅粉紅色蝴蝶結，改圖改做避孕套，證明女神魅力終於返晒 嚟。
10月（網上圖片）
拍完《那些年》變成國民女神 嘅陳妍希，聲稱一日三餐食石頭咁硬 嘅法國麵包加亞麻籽油減肥，成功踢走大量肥膏，月亮面變尖，象腿拜拜肉消失。
終於似番個女神，陳妍希馬上吸引身家超過 50億台幣、徐若瑄前度男友賀錫敬追求。
咪睇陳妍希個樣斯斯文文，原來喜愛夜蒲，但唔過分，飲兩杯傾心事吹夠水就返歸，夜極有個譜。偏偏上個禮拜居然俾人發現凌晨四點走入忠孝東路錢櫃卡拉 OK，身邊仲有位高大男士，望真 啲，原來係賀錫敬。
賀錫敬一向係蒲界精英，加上「高富帥」，屬夜場稀有女殺手，身邊多數係徐若瑄類型 嘅辣妹，估唔到口味突然變 咗沈佳宜。
據蒲界二五爆料，原來兩個係南加州大學同學，讀書年代已經認識，不過好少聯絡，反而近排食飯飲酒唱 K密密見，當晚四點開房，唱 K唱到天光六點散 band，落到樓下仲係依依不捨，傾多十幾分鐘先走人。
賀錫敬家族做毛巾生意，有傳當年佢同徐若瑄幾乎談婚論嫁，但男家長輩嫌棄女方做過三級女星，家陣未來新抱仔換上國民女神，陳妍希要做毛巾少奶奶，掂！
據講當晚三王一后先去夜店飲酒，凌晨四點再出發唱 K，唱到六點天光先返歸，女神全程短裙露髀，好有食仔戰鬥格！
家族長輩嫌棄徐若瑄以前拍鹹戲露三點，叮囑賀錫敬玩吓好 嘞，搞到徐若瑄埋街食井水夢碎，拍拖年幾就分手。 
全站熱搜
留言列表
