有 咗五個月，個肚唔算凸，但安雅身形已經走晒樣，尤其係下盤，好穩健！
同你吟一吟
大肚 5個月 安雅佗孔子後人
曾經同已故台灣富豪黃任中同遊香港，又跟梁朝偉傳過緋聞 嘅安雅，身材好又肯露，原本發展唔錯，但○二年因為 响台北夜店涉嫌吸毒被捕，判入台北看守所勒戒，安雅從此絕跡香港娛樂圈返國內發展。
事業要從頭 嚟過，好在安雅當時 嘅男友、孔子第七十八代直系後裔孔眾（原名：孔維眾）不離不棄，二人戀情到○八年先俾人踢爆，好低調，至今大埋肚，都冇公開。
上個禮拜六（十月六日），安雅同孔眾十指緊扣行跑馬地買紅酒，冇化妝，大肚安雅面色唔錯，無論去到邊，比佢大十五年、現任美國藥物公司亞太區執行總監 嘅孔眾都拖到實，好體貼。
《壹》仔問安雅有咗幾多個月？佢笑笑口話有 咗五個月，至於仔定女就唔肯講，今次 嚟香港只係探朋友，臨上的士前，安雅仲叮囑《壹》仔揀張靚相先好出。
由性感蒲精變成大肚媽咪，三十五歲安雅，比起同佢同期出道，家陣仲 响荷李活搏殺 嘅 Maggie Q，幸福得多！
以前安雅身材出名正，要乜有乜！
○八年尾，當時身在台灣 嘅安雅，陪孔眾出席孔子第七十七代嫡孫、前考試院長孔德成公祭儀式，令戀情曝光，原來當時兩個已經秘密拍拖多年。（台灣《蘋果日報》圖片）
兩個拍拖去淺水灣探完朋友，再坐的士落中環 shopping，笑晒口 嘅安雅，睇衫睇到走光都唔知。
雖然 BB要明年先出世，但安雅揀定相架放 BB相。
全站熱搜
留言列表
