之前李霖恩自爆為 咗幫仔仔改英文名，同老豆李少光出現意見分歧，阿爺想叫 Gabriel，佢就想叫 Christian，睇見張 poster，證明阿爺話晒事！
同你吟一吟
李少光湊孫樂
今年七月一日正式退下火線，唔再做保安局局長 嘅李少光，退休短短五日，仔仔李霖恩再做老豆，孫仔校 啱時間出世。湊孫好過硬推 23條，上個禮拜五晚（十月五日），李少光幫乖孫 响灣仔入境事務處頂樓 嘅會所搞百日宴，順便慶祝大孫女生日。
有孫萬事足，加上李霖恩一仔一女湊夠個「好」字，爺爺李少光全晚面露笑容，同佢以前出 嚟見傳媒 cool爆樣，完全兩回事。李霖恩亦 call齊圈中好友 嚟食番餐，大部分都係劇集《愛。回家》入面 嘅演員，就連合作過《心戰》 嘅陳茵媺都俾面 嚟飲番餐！
其實咩人都可以上會所食飯，唔一定要做過政府官員，只係所有出入 嘅人都要 响樓下登記身份證，朱慧敏同陳茵媺亦唔例外。
上月同吳卓羲三亞水戰 嘅 Toby梁靖琪，當晚同老公一齊現身李霖恩仔仔百日宴。
全站熱搜
留言列表
