探熱針
半山搬深井 羅霖帶子投靠娘家
唔敢扮 𡃁妹
羅霖北京瘟仔回港當晚，依舊返回劉坤銘租住的西半山慧苑。北上偷食東窗事發，劉坤銘眼寃，羅霖亦焗住即時執包袱，由半山豪宅降級搬返深井娘家。
上週四（十月二十五日）下午四點，在香港唔扮妹，改穿黑色套裝的她，相約「仁美」好姊妹黎淑賢行完街後，會合在中環萬年大廈等候的大仔，一直上大廈九樓睇醫生。
一個鐘後，菲傭帶住細仔到，一行四人再到附近眼鏡店整眼鏡，其間大仔走先，羅霖再一拖二轉到銅鑼灣渣甸坊，替細仔置冬裝買玩具。接近八點，手拎兩大袋戰利品的她跟菲傭、細仔坐電召的士返深井娘家海
韻臺。
下午四點，著住套裝的羅霖跟好姊妹黎淑賢出現中環。
之後會合大仔在中環睇醫生。
照顧完大仔，羅霖再湊細仔置冬裝及買玩具，做足阿媽本分。
上週四同劉坤銘真正分開後，羅霖帶住細仔及菲傭，由銅鑼灣搭的士返回深井娘家。
降呢冇晒面
據了解，自從發現羅霖有小三，一直試圖挽救十六年婚姻的劉坤銘終於徹底心死。
「 Roger知道 Candy瘟花後嬲到飛起，要佢即刻搬走，得幾日時間，根本搵唔到屋，唯有搬入深井同阿媽住。 Candy都嫌深井出入唔方便，加上住開半山區有司機車出車入，而家咁冇面，所以佢好少提搬咗屋。」知情者說。
深井海韻臺有廿三年樓齡，羅霖母親持有的單位○七年以一百八十萬買入，面積約八百呎，跟羅霖住慣的千呎豪宅不能相提並論，習慣中環活動的她，每次外出，只能靠的士
代步。
劉坤銘現租住的西半山慧苑豪宅，以及積架私家車，羅霖未被踢爆瘟仔前，一直可以任用。
劉坤銘睇相知道羅霖有內地小三，即火遮眼嘭她走。
本月中，羅霖被本刊拍得跟北京富二代王嶠夜蒲消夜，之後直返酒店。
黎燕珊踩多腳
「而家 Candy同細仔一齊住，大仔同二仔跟爸爸，佢有同啲教友呻過，話雖然有屋住有車坐，但 Roger好耐冇俾錢養佢哋幾仔乸，三個仔讀國際學校，啲學費 Candy負責晒，開支已經咁大，如果要响市區搵屋，稍為似樣嘅起碼四、五萬租，所以近排佢好積極搵錢，兩萬、三萬照殺，甚至主動撈，幫啲客搞埋製作做 PR，接到可以執到七、八萬。」
負面新聞纏身，羅霖更被「仁美清叙」會長黎燕珊，公開指責損害亞姐形象。
死對頭日前一同出席「仁美」活動，其間充滿陣陣火藥味；黎燕珊黑面拒合照，之後由顧問葉家寶充當和事佬，才肯變臉主動跟羅霖握手，在傳媒前交戲。
顧問葉家寶硬推黎燕珊埋羅霖身邊拍照，她最後亦乖乖就範。
變臉影相後，黎燕珊藉工作太忙照顧唔到囝囝當場落淚，事後被指扮喊博同情。
黎淑賢炮轟「仁美」欠透明度，身為副主席的她竟然不知慈善籌款晚宴流程。
羅霖去年突然活躍，幫李彩華做經理人，不過合作無耐，被指辦事不力，最後不歡而散。
羅霖同媽咪關係密切，今年四十七歲生日，媽咪送名牌手袋給她作禮物。
反轉豬肚
被踢爆北京瘟花後，本來係自己友的黎燕珊指羅霖影衰亞姐，要與她劃清界線，之後二人隔空互寸，反晒面！
搵替死鬼
黎燕珊被轟領導「仁美清叙」透明度不足，數目不清後，以眼淚攻勢博同情。而她之所以跟羅霖人前修好，據知是亞視揸弗人王征背後發功，要求二人和平解決。
「王征覺得『仁美』代表亞視，佢好重視個會，聽到有會員話再係咁落去就退會，所以下令黎燕珊快啲搞番掂個爛攤子。黎燕珊而家同亞視做節目，每個月收六萬蚊人工，如果唔配合，分分鐘連份工都冇埋，所以先主動同羅霖握手，跟住又搵秘書食死貓，出 email俾所有會員道歉，話以前做得唔好，都係秘書問題。」
王征又再背後發功，下令黎、羅盡快和解。
留言列表
