關仁隱事：「約瑟」充大頭鬼
「茶花女」之前喺電台也文也武，搞到神憎鬼厭，原來取代佢嘅「約瑟」都係唔好貨色，唔好得佢幾多。關仁聽聞約瑟自從搵咗「竹篙精」同佢做節目，就當正自己係幕前巨星，好大個鼻，見到啲舊友都扮唔識，梗係啦，話晒約瑟戴嘅幾十萬名牌鑽石錶同佢主人，即係請佢返去做節目嗰個「大師」同款喎，哈！咁你就錯晒，約瑟為咗扮巨星，都係平買隻同牌子嘅錶畀佢老友「美人」鑲啲鑽石上去咋，真係咁都得。
充闊佬唔影響人其實冇所謂，但佢衰在仲要蝦竹篙精，成日度埋啲白癡對白畀人讀嚟抬高自己，搞到竹篙精好唔開心，係咁搵人訴苦。
撰文：關仁
全站熱搜
留言列表
