國台扮
雞扒妹濕誘日本仔
因為一段谷胸示範如何炸台式雞扒影片，紅爆網絡 嘅鄭佳甄， 19歲，比塊雞扒更加卜卜脆，加上個樣似 Hebe＋林依晨，花朵「雞扒妹」 嘅鄭佳甄，卒之紅到去日本。
懶理台中日釣魚台事件，「雞扒妹」呢排密密送秋波到日本，幫日版 Playboy週刊濕身影性感相，台日宅男睇完都話有「失血過多」 嘅苦況。
DV變 AV
要攻陷日本宅男春心，「雞扒妹」鄭佳甄盡地一剝，再拍埋 DVD寫真，有聲有話有動作， 11月發行，日本仔以「黑船來襲」形容雞扒妹，意指佢實力不容忽視。
DVD造型離唔開泳衣內衣，以及最令人充滿幻想空間 嘅日本水手裝校服，加埋唔知點解係都要戙高兩隻腳扮走光著襪，如果唔近距離望真 啲，隻寫真 DVD，又真係幾似四樓四仔冇格仔 嘅三級 AV。
當初幫炸雞店宣傳示範炸雞扒，冇諗過自己會紅 嘅雞扒妹，當日斬釘截鐵話冇興趣加入娛樂圈，結果都係姣婆守唔到寡，網友寸佢遲早三點失守，雞扒妹每次都話「好笑又無奈」，強調家陣已經係性感極限。
出寫真 DVD，三點不露，但坦白講，個包裝，又真係幾似三級 AV碟。
就係呢段低胸炸雞扒片，令「雞扒妹」紅到去日本， YouTube點擊率已經過百萬，其實大家睇片 嘅焦點，我相信同塊雞扒無關。
先排 响台灣出寫真集，「雞扒妹」擺明抄周秀娜，除 咗個口漏奶，仲出埋人形攬枕。
瞓錯國旗
女人心，冇句真，唔剝就笨 嘅雞扒妹，趁住大好青春一於去到盡，早排幫日版 Playboy週刊影專訪，肉色比堅尼加埋濕身透視，不斷展示 32E台灣奶，雜誌一口氣同佢出五版內頁介紹，雞扒妹話唔係個個新人都可以出到咁多頁數，感覺開心又興奮。
不過，樂極總係會生悲，尤其係當佢連青天白日滿地紅國旗都攞 嚟玩。早排雞扒妹為感激台灣粉絲支持，於是影 咗輯全新性感相，一款係著比堅尼、 瞓國旗，另一款就將國旗貼紙貼 响胸前，誘唔誘惑見仁見智，但好玩唔玩攞國旗 嚟玩，一班愛台滋事分子馬上河蟹雞扒妹，家陣仲話要強攻日本，睇怕雞扒妹有排俾人插呀！
瞓國旗，黐國旗，「雞扒妹」雖然玩大 咗，得罪班愛台人士，不過班宅男就好 buy佢呢身造型。
留言列表
