國台扮
吳奇隆撐起金鐘獎
台灣年度電視界盛事第 47屆金鐘獎，上個禮拜終於揭盅，賽前大熱 嘅偶像劇《我可能不會愛你》，合共八項提名，結果橫掃七大獎項，男女主角陳柏霖、林依晨一如所料，攞走視帝視后寶座。
星光大道圍觀民眾疏落，現場採訪記者人數，望落仲多人。
有人氣偶像劇撐場，可惜金鐘獎星光大道一年比一年暗淡，舊年落雨，圍觀 嘅人唔多，今年天氣好又好風，點知都係得 嗰 300人，昔日千人圍觀盛況，已經冇 咗呢支歌仔唱。
好在金鐘獎大會自己知自己事，一早 mark定吳奇隆檔期返台灣做頒獎嘉賓谷人氣，當日 300名圍觀民眾，就有三分一係吳奇隆粉絲。
好日唔返台灣，吳奇隆話最開心係見到以前班小虎隊粉絲，至於有傳三隻虎不和，明年合體開騷都係睇錢份上，吳奇隆即黑面：「瞎說，隨他們去說！」
舊年憑《步步驚心》爆紅，吳奇隆自爆每日得三粒鐘時間 瞓覺，忙到要半夜三更開會，一年只能夠返台灣一次，生活只有工作，根本冇時間同人不和，留番啖氣暖肚 瞓覺好過喎！ 
陳柏霖、林依晨雙雙問鼎視帝視后，出道 11年 嘅陳柏霖，第一次獲獎，話自己能夠飾演好情痴李大仁角色，全靠過往感情經驗所得，咦！你講緊 Mandy Lieu？
去到慶功宴，二度封后 嘅林依晨，自隊香檳答謝台前幕後，明年秋天就要去英國留學，好在息影前有套代表作。
吳奇隆人氣一支獨秀，好在林心如都唔輸蝕，證明家陣班偶像派，新不如舊。
全站熱搜
留言列表
