同你吟一吟
鄭嘉穎爆缸縫針換假
唔夠兩年，鄭嘉穎內地拍劇價由十八萬跳到三十五萬人仔一集，升幅快過香港樓價。賺得多賺得快，不過，都有代價，除咗長期踎喺強國開工，由朝捱到晚，仲隨時有飛來橫禍。
上星期四（二十五日），喺昆山埋位拍《葉問》嘅鄭視帝，就俾武師一拳舂爆右眼角，搞到爆缸，雖然唔算好嚴重，但無綫高層樂易玲漏夜安排寶貝仔返香港入港安 check清楚。結果縫十針，留醫一晚第日走得。
比起當年林志玲墮馬，台灣組合 S.H.E.嘅 Selina前年喺內地拍劇遇爆破意外，五成以上皮膚三級燒傷，鄭嘉穎呢鋪好濕碎，就算話因傷做唔到商演，損失過百萬，但起碼可以休息十日八日，好過冇呀！
謹慎起見，樂易玲漏夜安排入院檢查，無綫友黃智賢亦有陪行。
全站熱搜
留言列表
