我靚唔靚仔？（真實對白）
黎耀祥復出到夜場演出，表情多多同酒吧觀眾互動。
探熱針
好易賺 佛山復出夜場 黎耀祥快斬 30萬
黎耀祥 孭飛的台慶劇《大太監》即將出街，有機會第三度封帝的他，趁宣傳工作未開始，攝期到佛山為世爵酒吧一周年演出。
唱五首歌，握手派相搞氣氛，現場酒客熱情尖叫，黎耀祥無交行貨。唔少阿哥阿姐升呢後嫌 cheap唔吼夜場，但視界一哥卻另有想法。「我以前都係呢度搵過飯食，點解而家要唔唱呢？ 啲觀眾見到我又咁開心！」一個鐘唔使賺 30萬，何樂而不為！
八人保鏢侍候
○九年首奪視帝後，已甚少在大陸夜場演出的黎耀祥，早前帶同祥嫂來回熬八個鐘車，山長水遠到佛山做酒吧一周年演出嘉賓。
一到埗，黎耀祥被安排坐入大卡拉 OK房準備，一大班老闆的朋友爭住合照，即使大會早已安排八大漢保鏢團侍候，場面一樣大亂。
扮岳飛
觀眾要求在背脊簽名，黎耀祥笑言似岳飛母親刺「精忠報國」。
祥嫂俾人喝
凌晨十二時上台出騷，黎耀祥一口氣唱了包括代表作《巾幗梟雄》及《義海豪情》片尾曲《紅蝴蝶》等幾首歌，台下觀眾大嗌柴九，擁到台前爭住握手。
「我今日靚唔靚仔先？你 哋過 咗人生 嘅第幾個十年？你 哋仲嗌我柴九，我好慘 㗎，做狗之前又做豬（豬八戒）， 嚟緊仲要做埋太監。」視帝好戲外，亦擅於搞氣氛。
由於觀眾太熱情，完騷後大班保鏢護住黎耀祥走後門離開，其間有人不認得祥嫂，一度將她當 fans粗暴看待，跑慣江湖的祥嫂二話不說跳上保母車，兩公婆急急腳走人。
酒吧一周年 party，門口張貼兩層樓高的巨型 poster，平時只找 𡃁模打吓碟兩三萬搞掂，要視帝出動，俾多十倍價錢三十萬先有交易。
觀眾伸手攞相握手，台上大批保安嚴陣以待。
配合劇情
酒吧為配合祥仔新劇，安排侍應穿上清裝，在場內穿插。
祥嫂（箭嘴）陪登台兼做攝影師，還一度被保鏢誤當 fans趕。
攞獎當中六合彩
上台起計四十分鐘唱五首歌，三十萬袋袋平安！對於突然「復出」夜場，黎耀祥說：「我係做少 咗，因為時間夾唔到，成日開劇先做唔到咋！我一啲都唔抗拒做夜場，以前都喺呢個場搵過食，個 agent（代理人）同我合作 咗十幾年，佢安排得好好，有錢賺啲觀眾反應又好，做到一定會做。」
已經攞過兩次視帝的黎耀祥，對有機會憑《大太監》再爭視帝聲言全無壓力，只在乎觀眾對新劇的評價。「真係唔敢奢望，有同無都無乜所謂，如果今次攞埋，仲開心過中六合彩呀！」黎耀祥說。
逼走後門
觀眾逼得水洩不通，原本要留多陣幫老闆 social簽名的黎耀祥改變計劃，由大批黑衣保鏢護送走後門上車。
順得人
等車期間，保鏢爭住合照，黎耀祥指揮大家排好一齊影，順得人。
留言列表
