同你吟一吟
大佬 B趕返屋企餵 B
因為男主角羅仲謙嚟緊要飛英國拍無綫新劇《衝上雲霄 2》，王晶新片《古惑仔：江湖新秩序》要日踩夜踩趕貨。星期日（二十八日）晚，喺片中做大佬 B嘅黃貫中，都要暫時丟低老婆朱茵同出世冇耐嘅 B女叉燒包，跟大隊去深井海邊開工。
是夜主要拍大佬 B被人亂刀劈死，見到面口嘅簡單動作，阿 Paul自己嚟，粗重功夫替身負責。做咗老豆，阿 Paul開工講明要遷就佢時間，是日黃昏通告，王晶十二點放人，阿 Paul收工返歸，幫手餵夜奶，啱啱好喎！
「大佬 B」戲份唔多，最終仲要俾「坤」隊冧，是夜阿 Paul被圍劈，血漿同假牛肉刀，係劈友場口必備。
假如阿 Paul再瘦落去，王晶大可開套《古惑佬之祥叔》俾佢擔正。
全站熱搜
留言列表
