大封面
徐濠縈隨時被警方傳召 Eason局住出手擺平
涉「迷幻飯局」搞到一身蟻的徐濠縈，最近傳與老公 Eason（陳奕迅）吵大鑊，阿徐更避走東京，掃貨 50萬發洩。據知由於警方的掃毒組及情報科已插手，強烈要求食肆老闆黃浩提供影片搜集證據，阿徐隨時有機會被警方傳召助查。
事件愈鬧愈大，愛女心切的 Eason怕負面新聞令就讀名校的愛女康堤受影響，據知最近他已透過中間人聯絡黃浩，希望擺平事件，可惜飯局未約成，事件又峰迴路轉。
一心想擺平事件的 Eason，同樣亦向老死志偉求救，更擬定好反擊計劃，可惜性格衝動的志偉， 12月 5日晚上出席落選港姐鄭嘉雯婚宴時碰着黃浩，竟忍不住掌摑對方，搞到警察到場，「迷幻飯局」事件睇嚟仲有排搞！
迷幻飯局第二波
「迷幻飯局」發展至今，徐濠縈繼續反擊，張貼食肆老闆黃浩的照片在 instagram，讓好友李璨琛老婆 Pae（梁志瑩）寸爆對方是「人渣中敗類」，又在微博上載「邪不能勝正！公義！」，以乎一心要與對方決戰到底。
Eason見老婆失控，終於按捺不住出手。表面上他對事件拒絕回應，愛理不理，但卻暗中做 嘢。「阿臣（ Eason）怕件事會影響個女，之前因為咁同老婆吵大鑊，仲叫阿徐收口。阿徐一怒下仲飛去日本 fing錢，阿臣俾老婆激到紮紮跳，但為 咗大局，佢上個禮拜透過一個識 咗黃浩十幾年 嘅圈內朋友做說客，希望食餐飯擺平。」知情者說。
黃浩為了「迷幻飯局」，近日最少兩次出入警署，之前徐淑敏的美容生意遭人詐騙，他亦要陪妻去警署報案。
上周三（ 28日），靜悄悄飛了去東京避鋒頭嘅徐濠縈，行蹤被網友鋪上 Instagram，本周日已瘋狂購物，花掉 50萬發洩完返港。
「迷幻飯局」事件牽涉人物愈來愈多。 12月 5日晚，黃浩與老婆徐淑敏到金鐘萬豪酒店，出席 06年落選港姐鄭嘉雯的婚禮。據目擊者透露，晚上 11時半左右，晚宴尾聲時，陳奕迅的老死曾志偉與梁漢文，雙雙上前「兇」黃浩，兩人面紅紅，似飲醉酒，其間有人對黃浩說︰「夠膽你就報警！」
此時黃浩被逼退到牆角，志偉突然出手掌摑對方，黃浩被打至腳步不穩，而愛妻徐淑敏見狀大叫，混亂間有人報警，未幾即有警察到場，志偉等人被帶返中區警署調查。黃浩夫婦就到瑪麗醫院驗傷，而黃浩離開時，酒店門外突然出現十名大漢，氣氛緊張。
黃浩到達瑪麗驗傷時，記者隱約聽到他與老婆徐淑敏向警察交代事件。黃浩說︰「我俾人搶電話，跟住碌咗落樓梯，之後有十幾人圍住我……」而徐淑敏亦說︰「有五、六個人行埋嚟調停，叫唔好打！」
至於志偉則被帶返中區警署問話，而林國斌更為志偉開路。 15分鐘後，志偉乘七人車離開，而尾隨有另一部七人車，車上坐了林國斌與三哥（苗喬偉）夫婦。待志偉的七人車離去，三哥與林國斌齊齊落車，黑面對在場記者說︰「你哋唔好再跟！」
黃浩與徐淑敏驗完傷後，坐上警車返中區警署落口供，直至凌晨二時許仍未見離去。
曾志偉涉掌摑被帶返警署
志偉婚宴上飲到醉醺醺，想不到最後他竟因為涉掌摑黃浩被帶返警署。《蘋果日報》圖片
Eason與志偉分別是演藝人協會正、副主席，兩人又曾主演《野．良犬》，老友鬼鬼。
至於當日為新娘鄭嘉雯做姊妹的姚子羚則說︰「頭段見志偉時佢好清醒，我都聽到佢哋有啲爭拗，佢哋走嗰陣我見到出面好多警察。」
同在婚宴上的范振鋒表示︰「我喺台上睇唔清楚，不過我見到志偉有醉意。」
黃浩瑪麗驗傷
黃浩等候驗傷時，不時團團轉，心事重重。至於妻子 Suki亦不好過，坐立不安。之後黃浩再由警車車去警署落口供。
徐淑敏
黃浩認有人約飯局
就 Eason設飯局擺平一事致電黃浩，他承認有此事。
記︰ Eason搵人約你食飯擺平件事？
黃︰確係有中間人搵過我，話可以大家坐低心平氣和搞掂件事，但我唔知個中間人係自己一番好意，定係代表對方約我。
記︰咁你肯唔肯赴約？
黃︰都肯 嘅！我都想盡快解決，其實到依家我都唔知發生咩事，仲演變到好似好嚴重咁。我已經多次讓步，係 嗰件事之後有人對號入座。
記︰咁個飯局定 咗日子未？
黃︰仲未。
記︰有傳警方隨時傳召阿除返警署助查？
黃︰警方做 嘢唔使同我交代。
本周三（ 5日）為顧嘉煇音樂會做嘉賓的陳奕迅，亦明顯避鋒頭，除了棄用平日保母車，改用銀色租車到場外，更叫租車駛到側門落車跑入後台，更謝絕記者訪問。除此以外， Eason亦下令老婆減少外出，本來同日徐濠縈答應出席黃秋生主演的舞台劇《極地情聖》，但最後卻甩底冇到！
平日蹦蹦跳鍾意講 gag嘅 Eason受老婆事件影響，在台上不時皺眉，唱完歌便匆匆下台，嘢都唔講多句！
音樂會避記者
12月 5日， Eason為顧嘉煇音樂會做嘉賓，但卻在側門落車跑入後台，避開全城記者追訪。
心痛連累女兒
陳奕迅對女兒康堤甚為着緊，幾忙都會抽時間接送愛女上學。
Eason戮力補鑊，希望盡快擺平事件，最大原因是心痛女兒康堤被連累。由於女兒就讀傳統名校拔萃女書院，為免女兒在學校被指指點點，他當然想事件盡快平息。
「阿徐當初幫愛女報讀呢間學校時，都用 咗好多心機，出動 咗唔少人脈關係。康堤讀 playgroup時，阿徐已與時裝設計師何志恩私交其篤，兩家人 嘅女兒仲上埋契，關係密切。而何志恩 嘅媽咪就係女拔（中學部）現任校監。據知『迷幻飯局』爆出，何志恩曾致電 Eason問候，令他倍感壓力。搞咁多 嘢至入到間名校， Eason梗係唔想有閃失。況且單負面新聞後，有記者追住康堤採訪，令到唔少家長有微言。」
徐濠縈周圍辣的性格，已多次令 Eason不勝其煩。上月，涉「迷幻飯局」的另一女主角葉佩雯，與老公 Eric Kwok（郭偉亮）舉行婚禮，徐濠縈冇到缺席，當時一般人以為阿徐是避鋒頭，實情是半年前兩人已互不瞅睬。原來阿徐一直不滿葉佩雯黐 Eason攞 着數，更因為一次衰多口搞到兩人反面。
同葉佩雯反面
知情者話︰「 Eason當 Eric係好兄弟，有親飯局同搞 P都會嗌埋佢，而 Eric同葉佩雯又秤不離鉈，阿徐竟然唔鍾意，覺得佢 哋黐老公金糠。半年前，成班人 喺一個 rock友屋企搞 P，阿徐一開門見到佢 哋，即時嘴藐藐話︰『 啲人又上 嚟靠黐！』之後有人報寸俾 Eason聽， Eason好嬲，鬧阿徐唔俾面佢兄弟，之後大家就有你無我。 嗰次『迷幻飯局』，由於有一大棚人，阿徐係 Edmond（梁漢文）老婆叫，而超儀就搵 Grace（葉佩雯），大家都係 嚟到至知，但佢 哋全程都冇偈傾。」
據知今次事件後，同阿徐有兩咀 嘅廿四味的 Kit，近日成為「與人妻咀爆」 嘅嫌疑人物，搞到他老婆發晒爛渣。
至於死不認輸的阿徐，去日本前曾極力慫恿其他藝人齊齊夾錢，請律師打官司，追討負面新聞出街後她損失的 sponers（贊助）及活動收入。
阿徐冇到
11月葉佩雯與 Eric Kwok結婚， Eason充當兄弟團，足證佢同 Eric有幾 friend，而何超儀及梁炳老婆 Karen（右一）亦做姊妹，但婚禮獨欠阿徐，原來佢同新娘半年前已鬧翻！
今年初，葉佩雯同阿徐出席公開場合時，被記者邀合照，但兩人零交流，葉佩雯更擰歪面。
志偉吹雞，與徐濠縈私交甚篤的何超儀一定出錢出力！
阿徐與李璨琛老婆 Pae（中）甚老死，經常結伴睇演唱會。
志偉吹雞打官司
有圈中潮流指標之稱徐濠縈，經常出席各時裝品牌的剪綵及時裝騷，亦獲得大牌子贊助時裝。但近日卻未見她出席時裝活動。
作為演藝人協會副會長的 Eason，亦曾向會長志偉大吐苦水。一向愛出頭的志偉，遂帶頭吹雞，搵嚟何超儀、梁漢文及苗僑偉等藝人幫手，準備一連串反擊大行動。
「志偉建議 Eason經理人陳家瑛於 12月 6日向黃浩發譴責聲明，更搵番當年替陳裘大打官司的律師團隊準備，先向黃浩發律師信，再有一連串法律行動。」睇個勢，志偉誓要幫 Eason拆彈。
疑似咀人妻男角是非多
據知「迷幻飯局」當晚有 23人在場，當中包括知名藝人、藝人妻子及樂隊成員，而人妻玩得興起，更主動同身旁的男士打茄輪。盛傳該男主角就是廿四味成員 Kit（梁永傑）。據知 Kit亦是「 LMF」前成員，他和圈外女友 May在 03年拍拖，兩人於 06年曾分手，兩年後復合，至今年 4月結婚，但轉個頭他就牽涉一宗夜場傷人案。
廿四味成員 Kit是惹火人物，今年 4月亦涉及中環一宗夜場打傷客人的案件。
老婆 May
結婚是「大個仔」的表現，不過 Kit同 May結婚冇耐又惹上官非，累老婆擔心。
阿徐繼續暗插
12月 4日，在這個非常時期，徐濠縈收到好友力撐字條，倍覺窩心，隨即鋪上微博。
11月 29日，徐濠縈轉發了老友 Wyman嘅微博，相片寫明「惡菌橫行，捍衞家人」，似有暗示喎！
惹火老婆撲火老公
把口唔收 嘅徐濠縈，經常周圍辣火頭，每次出事後的爛攤子均由老公 Eason收拾，相信今次事件都唔例外。
被強國人鬧爆
背夫鴛鴦戲水
去年 7月，徐濠縈被傳媒影到與陳冠希契弟潘世亨（左圖）泳池戲水，直指她「背夫鴛鴦戲水」。 Eason輕鬆回應：「使乜理呀，我同潘世亨好好朋友，難得 嗰日天氣咁好，大家一齊去曬太陽都十分正常。」
揮霍無度
留言列表
