梁政珏自爆甩拖 何傲兒等人追
梁政珏與何傲兒出席apm商場活動「玩轉潮流聖誕城」時大鬥性感，分別以透視裝及Tube dress谷胸上陣。梁政珏透露聖誕將與家人到韓國旅行，問會否叫男友同行？她即自爆已分手數月，現時只想專心工作。何傲兒則表示現時有追求者，不過未揀定。對於黃浩出席前港姐鄭嘉雯（Karman）婚宴時捲襲擊案，何傲兒表示她本應赴宴，卻因工作而缺席，亦不清楚襲擊事件。
同樣擁有34D逼爆上圍的無綫藝人梁政珏與何傲兒，昨日以不同招數大鬥性感，前者以中門大開的透視裝大晒「南北半球」，後者則以束腰Tube Dress力谷「枕頭胸」！
何傲兒（Lily）昨日穿上束腰Tube Dress「胸降」apm商場，出席《玩轉潮流聖誕城》活動，驟眼看，其性感程度技術性擊倒穿貼身裙的梁政珏，但細看梁政珏的貼身裙，原來她中門大開玩透視，令其34D逼爆上圍若隱若現，即挽回不少「峰」頭！
二人現場即席學製微型藝術品，Lily的視線亦不禁聚「睛」在梁政珏驕人的「南北半球」。她受訪時笑言在後台向梁政珏請教「谷胸之道」，梁政珏說：「其實我今日冇專登谷胸！」梁政珏早前因照顧頸部生腫瘤的母親而停工，幸母親已無大礙，相信久休復出的她可繼續以「戰鬥格」示人。她透露聖誕將與家人到韓國旅行，問到會否叫男友同行？她說：「已經單身咗幾個月，依家專心工作！」
至於何傲兒則自爆有追求者：「阿爸想傳媒影到我同男仔去街，希望到時傳媒可以幫手起個男仔底，就知佢啱唔啱我！」另外，對於黃浩出席前港姐鄭嘉雯（Karman）婚宴時捲入涉襲擊案，她說：「唔知呢件事，本來Karman有請我飲，但因為開工冇去到。」
何傲兒（左）與梁政珏同屬有料之人，鬥上又鬥下！
梁政珏跟專人學製藝術品，有板有眼！
何傲兒（左）喪（目及）梁政珏上圍。
臨近聖誕，何傲兒（左）與梁政珏提早交換禮物！
梁政珏得戚透奶
【貼面撞奶】
梁政珏同何傲兒噚日喺觀塘apm出席聖誕活動，吸引大批龍友擔梯影相，有34C上圍嘅梁政珏着咗件火紅透視短裙，大晒波邊，「峯」殺着tube dress嘅何傲兒，梁政珏坐低時仲露埋白底，輸晒嘅何傲兒甘拜下風話：「我都覺得佢好勁，忍唔住想摸佢，喺後台都問佢點托起件衫。」梁政珏就好得戚話：「呢啲冇得谷，我件衫谷唔到。」梁政珏聖誕會全家去韓國滑雪，佢話之前媽咪淋巴生腫瘤，好在家好番晒。
撰文：洪紅克
【笑晒波邊】
攝影：黃文偉
【谷盡還擊】
留言列表
