你試吓拎住把遮影相吖笨！（設計對白）
最終，趙生贏咗！但見 Lena拎住大大把遮，嗯，唔想影相係有原因嘅。
媽咪姐
趙世曾夾硬嚟
76歲 嘅趙世曾，有個拍拖 3年 嘅女友 Lena，不過出名女伴多 嘅佢，早輪又俾媽咪姐影到有新女上場，齊齊去銅鑼灣食西餐。不過講到去公開活動，都係正印 Lena跑出。
俾啲面好喎！（設計對白）
Lena唔想影相，不過趙世曾唔理，雙手拉女友出去，兩個拉來又拉去。
上禮拜四（ 29日），趙生孖住 Lena出席白松露慈善晚宴。一到場，兩個 喺門口拖拖拉拉，以為佢 哋咁寃氣，原來係女友唔想影相，雞咁腳走。不過趙世曾一於少理，硬拖佢出去影，搞到 Lena唔多老黎。影完相做訪問，呢位風流男友即時補鑊，自爆同女友拍拖 3年，派晒定心丸，又話對方係佢公司駐杭州 嘅經理，仲大讚︰「佢（ Lena）做女友同經理都做得好好。」女友當堂 冧晒啦！果然有計。
提到個女趙式芝同楊如芯之前擺酒（右圖），趙世曾好鬼勞氣咁話個女冇嫁人。之後兩父女合照，大家都冇晒表情。唉，唔係凡事夾硬嚟就得㗎， daddy！
全站熱搜
留言列表
