殘樣已嚇人，再加「八字」激凸，衣着烏歪、頭髮凌亂。山口智子呢個形象同右邊大圖真係差好遠咯。
出外埠
山口智子殘樣嚇人
藤原紀香雖然都已經算過氣，但 41歲 嘅佢依然有樣有身材，出性感寫真集仍有市場。但曾經係日劇女王 嘅山口智子，卻出現「女王末路」之象，所以密謀拍攝全裸寫真集救亡。
2012年對 48歲 嘅山口智子 嚟講，應該係日子最難過 嘅一年，除跟阿部寬合拍 嘅復出劇集《 Going my home》收視慘淡到可能腰斬之外，亦因被影到跟嫩男當街親熱咀嘴而傳出同靚佬老公唐澤壽明婚姻亮紅燈。事業同婚姻瀕臨雙失情況下，昔日 嘅女王亦要賣肉求生。但早前，佢俾人影到手挽菜籃、大嬸 look，一臉殘樣！而最令人驚嚇係內裏竟然「真胸」，美點雙輝呼之欲出。唉，智子如果真係想拍寫真集，首要執番正個 look先啦，依家成個烏歪阿嬸咁，令人冇晒期待囉。
山口智子雖然都執過晒，依然遮唔住眉梢眼角嘅皺紋。
山口智子同唐澤壽明結婚 17年，兩個一直好低調，鮮有同場出現。呢張係 6年前兩個去聽音樂會被偷拍嘅，亦係唯一嘅一次。
全站熱搜
留言列表
