句句金
句句金
楊怡於馬來西亞 Astro頒獎禮上，憑《 On Call 36小時》首次封后。台上藝員起哄叫佢多謝男友羅仲謙，佢竟然答：
呢個人唔使多謝住
係未夠地位俾你多謝，定你想喺香港攞視后時先多謝吖？點都好，咪到時飲醉嘔落人哋碗雲吞麵度至好。
陳奕迅喺北京演唱會感謝贊助商時，慘遭歌迷噓爆，佢隨即搞笑反問：
你有錢幫我辦演唱會嗎？
有錢請得起你，不如留番啲錢買樓。係咪你 hardsell過頭惹人嫌咋？
黃貫中嘅 B女盡得佢單眼皮真傳，日前佢出席活動叫大家放心，
佢（ B女）眼嘅比例大我好多，佢有媽咪嘅股份。
似老竇老母都冇所謂，最緊要脾氣唔好似黃貫中咁暴躁就得嘞。
葛民輝出席相機活動時，透露大仔就快升上大學，佢仲醒兒子兩度「必殺技」：
拍拖要先搞大人個肚，咁先可以一齊走埋下半世。
搞大咗，係要養㗎。個仔養唔掂，係咪你做阿爺嘅養埋先？ 
多次傳婚訊嘅鄭伊健，被追問求婚戒指幾多卡？佢不耐煩表示求婚唔一定要鑽戒，
汽水蓋都可以，我哋係新派思想。
理你汽水蓋、垃圾桶蓋都好，你肯結婚已經還得神落。 
全站熱搜
留言列表
