街坊搭枱
雖然貴為大明星，不過羅嘉良不但食大牌檔，仲唔介意俾人搭枱，難得蘇岩仲食得好開心。
娛聞樂
年賺 3千萬 慳家羅嘉良 踎大牌檔
上周二（ 27日），羅嘉良與懷有五個月身孕的太太蘇岩回港。今次撈家（羅的暱稱）返港幫顧嘉煇音樂會做嘉賓，據知只是義氣撐場，冇收酬金。
近年全力內地掘金的他，雖然年賺 3千萬，但慳家的他，返港第一件事，竟然同老婆急急腳 踎大牌檔嘆牛雜麵，認真平民。
將再為人父的羅嘉良，今次返港亦順道探前妻及順道為大兒子裕 珹補祝生日。而羅嘉良前妻方敏儀近年原來靠炒樓，已足夠 un un腳生活。
看來撈家不但工作上識撈，連照顧家庭都面面俱圓。
上周二（ 27日）中午，撈家與見肚的老婆蘇岩十指緊扣步出香港機場。記者讚他衣着愈來愈潮，他笑笑口話：「都係太太功勞！」至於太太腹中塊肉，撈家指仍未知性別，但就表示老婆會在香港分娩。他說︰「去做檢驗時遮住 咗，不過仔女我都冇所謂。（會否在港置業方便太太分娩？）唔會啦，樓價太貴，臨生前返來租地方住囉。」
蘇岩話：「我喜歡女兒，希望生女。（會否出外 shopping？）希望有精力啦，不過買了都穿不下。所以會買點童裝給小寶寶。」兩人往酒店放下行李後，稍作休息便出動。
撈家近年雖然在內地生活，但飲食很香港化。他們在酒店放低行李後，便乘包車到尖沙嘴街市大牌檔，食地道牛雜麵。現場不少食客認得他，羅氏兩夫婦也不介懷，就算有食客「搭 枱」，仍沒有影響兩人「撐 枱腳」的雅興。兩人各叫一碗麵、一碟油菜及飲品，埋單只是六十多元，非常平民。「佢（羅嘉良）成日都 嚟，同我 哋好熟 㗎。佢有時仲同埋個仔一齊 嚟㖭！」老闆娘說。
chok住影
羅嘉良嘆牛雜麵，老婆蘇岩一邊食西多士，一邊就忙於幫老公影相。
風雨同路
嘆完大牌檔，羅嘉良和蘇岩雨中漫步行去髮型屋。羅嘉良衣着愈來愈 sharp，皆因蘇岩為他設計形象，難怪兩人個 style咁似啦。
新 look探父母
為求以最靚一面示人，羅嘉良喺星級髮型屋 Hair Culture搞靚個新髮型，之後就同愛妻回到梨木樹老家，同羅父羅母食飯。
為大仔補祝生日
醫飽肚後，撈家便往髮型屋，為演唱會剪番個新髮型。剪足四小時後，晚上約七時，兩人便坐車往梨木樹。原來撈家帶蘇岩返自己父母屋企食飯，好讓父母可以多點親近蘇岩，方便日後老婆在香港候產時，婆媳之間可以多點照應。
撈家是次回港，除擔任音樂會嘉賓外，亦要陪太太做產前檢查，最重要是與前妻所生的兒子羅裕 珹補祝 13歲生日。記者收到風他周六會探仔，但為免被傳媒跟蹤，當日他竟然從秘道搭的士，認真蠱惑。事後致電撈家，他說：「係約好見個仔，同佢補祝生日，都係行街食飯咁囉。個仔讀書都 OK，鍾意打籃球。（之前見你同老婆去大牌檔？）佢鍾意懷舊 嘢，個大牌檔我幫襯咗三十年。」
38歲的蘇岩比羅嘉良年輕十二年，兩人 09年在北京結婚。婚後蘇岩不時將她和羅嘉良的旅行照及煙韌照放上網，晒恩愛。
《蘋果日報》圖片
羅嘉良兒子羅裕 珹現時就讀中一，六月他小學畢業，當時羅嘉良亦有回港觀禮。
《壹週刊》圖片
羅嘉良近年集中在大陸搵銀，最近一套港劇已經是 09年播出的《富貴門》。
劇集價 20萬
早年已北上賺人仔的羅嘉良，主演的電視劇早已在中央台播映，極有江湖地位，所以叫價廿萬人仔一集，亦一直有價有市。
羅嘉良每年只拍 3齣劇，每完成一劇便會與太太旅行充電，加上廣告及登台的收入，輕輕鬆鬆便年賺三千萬人仔。
雖然身價十級跳，不過撈家感激顧嘉煇為他作〈季節〉，今次純是義氣演出。
《蘋果日報》圖片
前妻擁 3千萬豪宅
羅嘉良在 ○八年與前妻方敏儀離婚，不過兩人仍維持良好關係，離婚後仍有見面。
據知羅嘉良在離婚時將所有物業全贈前妻，方敏儀近年炒樓屢有斬獲。現時方敏儀持有貝沙灣及愉景灣各一個單位，合計市值接近 3千萬。
前妻方敏儀
愉景灣單位市值約 1370萬
貝沙灣單位市值約 1500萬
留言列表
