媽咪姐
神秘人力追李彩華
剛滿 29歲的李彩華（ Rain），回復單身無耐，話咁快又有新桃花嘞！話說佢早前喺趙雪英五億大宅慶祝生日兼受洗，媽咪姐有幸獲邀，嗰時見到現場有一位年約三十歲、身形高大嘅神秘男子，對 Rain照顧得無微不至，已經覺得有啲嘢！
嘿，依家終於俾媽咪姐八到呢位男子係內地生意人，為人低調，但就好神心由內地飛香港，為 Rain嘅生日會布置現場、預備食物，出錢又出力！問番屋主趙雪英，佢都話：「佢好有心，打咗好多次電話問我意見。（佢同阿 Rain係乜嘢關係？）你自己問阿 Rain啦。」而被神秘人力追嘅 Rain只肯講：「朋友啫，佢好有心，你哋唔好亂估啦。」亂估？點會呀，神秘人咁給力，明眼人都知乜事啦！
生日會上神秘人（紅圈者）坐喺遠處，但就 𥄫到 Rain實一實。
神秘人為 Rain預備咗啲乜呢？肉腸、扒類任添！追 Rain喎，起碼要有龍蝦、帶子、生蠔啦。難怪只係「朋友」囉。
Rain啱啱又被影到去 Hermè s買嘢，獎勵自己，單身快樂。《蘋果日報》圖片
全站熱搜
留言列表
