Mandy Lieu灰併黑色絨帽$429白色羊毛中褸$2,500黑色茄士咩樽領冷衫$1,600黑色併皮 leggings$459黑白格仔併皮手袋$599all Marks& Spencer
cover face
Mandy Lieu 冇嘢阻到我
剛剛做老闆的 Mandy告訴我，想入行，很簡單，「唔好得四呎高就話想做 model。」 5呎 8吋的她如是說。講真，這高度對於天橋來說，也未達標，然而，身高差少少，樣貌身材卻能穿透鏡頭電到你暈得一陣陣， Mandy的世界，就比不少擁有標準條件的模特兒更廣更闊。
今年，她更伸延至電影世界，實行攀上大銀幕，對於模特兒來說，這大抵是最廣最闊的出路。
30歲未到，事業護法，進攻退守自己話事，滿足感是前所未有的大，難怪談情說愛要借歪……「我唔係咁囉！」 What？
「如果真係要嚟，冇嘢可以阻到我。」
I see，強悍自主的她，拍個拖也不會守株待兔，進取獨立的個性，今時唔同往日。
劉碧麗
出生日期： 1985年 3月 20日（雙魚座）
出生地：馬來西亞（父為美國人、母為馬來西亞華僑。）
身高： 5呎 8吋
體重： 106磅
三圍： 32-24-34
語言：廣東話、普通話及英語。
簡歷： 16歲，在馬來西亞當業餘模特兒。 03年，來港發展，跟周星馳合作拍廣告，成為新一代「啤妹」而走紅。
近年，自組製作公司製作旅遊節目。今年，開設模特兒經理人公司及拍電影。
主要作品：廣告，生力啤（ 03）。電視主持， now《 Lifetival》（ 09-11）。電影，《天生愛情狂》（ 12），《愛．尋．迷》（ 14）。
微博： http://weibo.com/welovemandylieu 
Profile
劉碧麗
出生日期： 1985年 3月 20日（雙魚座） 出生地：馬來西亞（父為美國人、母為馬來西亞華僑。）
身高： 5呎 8吋 體重： 106磅 三圍： 32-24-34 語言：廣東話、普通話及英語。
簡歷： 16歲，在馬來西亞當業餘模特兒。 03年，來港發展，跟周星馳合作拍廣告，成為新一代「啤妹」而走紅。
近年，自組製作公司製作旅遊節目。今年，開設模特兒經理人公司及拍電影。
主要作品：廣告，生力啤（ 03）。電視主持， now《 Lifetival》（ 09-11）。電影，《天生愛情狂》（ 12），《愛．尋．迷》（ 14）。
微博： http://weibo.com/welovemandylieu
人要不停變
Mandy Lieu紅色喱士連身裙$2,500金色鑲閃石吊墜長頸鏈$279金銀色手鈪$259（ 1套 3隻）all Marks& Spencer
我笑 Mandy，早年的她，拍拖大過天，今日，事業行先，人變了。「係變得更好。
「後生執着，成日 set定自己甚麼時候定要完成甚麼事，譬如拍拖，到時到候，總係要有一個男朋友陪我𠱁我，只靠外圍因素去令自己開心。」
現在，一個人闖天下，嘗試拍電影，終於遇上伯樂，陶傑首次執導便搵佢當女主角，想當初，偏偏選中才子，全因對方有誠意，首次約談已備好完整劇本讓她過目，印象滿分。「劇本對白寫得好，因為陶傑，我至接拍。」
接下來，輪到拍打戲，新作未曝光，先進入操練狀態，日日俾人又追又打，打完獨自歸家，不感寂寞，反覺充實，「以為自己學過跳舞又識一字馬，冇問題啦！點知原來唔係咁㗎！」每日練足 8粒鐘，練打、吊威也、跳樓、開槍乜都齊，「避免唔到受傷，我想被人打到，等我知有幾痛，下次就識避。」學做打女嗎？「冇諗太長遠，有機會就好好把握。」
堂堂名模，打到死死吓，沒呻半句，卻捱出樂趣。「人就係咁㗎啦！不停改變，依家，開心感覺由呢度（手按丹田）散發出嚟，我咁講，係咪好好笑？呢個係事實啊！」
我唔會蝕底
珍惜當下的 Mandy，今年，又拍戲又開公司，想停一停，唞一唞，唔係咁易。
「成日 remind自己，要享受每一個 moment，過咗就冇，正如今日係 2013年 9月 17日，只得一日，過咗就冇。」
黃金機會可一不可再，擺在眼前，唔試過，點甘心？就似做老闆，半年前，她脫離舊公司，自立門戶，「當初，求其 set up一間公司應付文件往來，因唔可以話今日你搵我影相，影完就俾 cash，咁樣好大鑊㗎！一定要白紙黑字紀錄清楚。」
於是，索性正式成立經理人公司，處理自家事務之餘，也發掘新進女模。「開公司係一個 next step，之前冇特別諗過，正如你去年問我，我都唔知道今年會拍戲。」
拍戲人面廣，乘機留意身邊新人收歸旗下，也算順理成章吧？「我唔會特登留意囉！我嘅 priority係自己工作。」
百足女模，瓣瓣有份——除了感情，心急嗎？
「好難講話想幾時拍拖， open my heart，又唔會話 sorry唔得閒住，先處理事業，我唔係咁囉！
「（愛情）真係嚟到，冇嘢可以阻止到我。」
28歲女，講到前景，一臉熱切，未來每一個可能性，也很憧憬，「世界唔會停低等你 ready，我相信， this is time for everything，唔得咪再試過，唔會蝕底；「做事要清楚自己想點，我都幾 enjoy依家呢個 Mandy Lieu。」
第一次擔正，份外緊張，拍戲現場，不停睇住 play back作賽後檢討，超認真。《蘋果日報》圖片 
為新戲《愛．尋．迷》宣傳， deep V高衩泳衣上陣，認真唔話得，出場前，先檢視一下，以防萬一。《蘋果日報》圖片 
投資七位數字做老闆，捧自己兼捧新人，「冇乜要求，只想公司所有人做得開心。」呢個老闆，真係 nice。《蘋果日報》圖片
Mandy Lieu黑色喱士絲絨連身裙$899金鏈吊墜耳環$199both Marks& Spencer 
Mandy Lieu紅黑格仔併皮袖 biker中褸$1,700紅黑格仔織花冷衫$499紅黑格仔絨裙$559黑色真皮手套$259all Marks& Spencer
後記
Mandy說，好鍾意現在的自己。
自我感覺如此良好，外在因素已不能動她絲毫。
做人愈簡單愈快樂，並非得個講字，她一入影樓，隨即 order咱們遠近馳名的小賣部燒賣，又話食得到就稱心滿意云云。
靜靜雞話你知，壹傳媒小賣部已易主，燒賣也此一時彼一時了！
唔緊要，心在情在，學 Mandy話齋，開心感覺來自丹田，食乜都好味，這份豁達，我要學。
Marks& Spencer中環皇后大道中 28號中匯大廈 2921 8323
撰文：伍淑嫻
形象： Karen Ling
攝影： Ray Siu
髮型： Adrian Wong@Hair Culture
化妝： Anna Eden
鳴謝： Marks& Spencer
留言列表
