一枱五十二個壽包，代表劉華步入五十二歲，有 Sammi阿杜補祝生日，壽星開心到風騷勾腳。
同你吟一吟
Sammi陪劉華 巴掌面慶生
話咁快劉華榮升老豆已經五個月，一個唔夠喉，密謀再搏多個，四十六歲劉太最想為老公生個仔，湊成好字。
上個禮拜，劉華雙親俾傳媒「捕」到，搵中醫幫手執咗兩包生仔藥，可想而知，劉華的確有意再加碼，生蛇仔，實行龍蛇混雜。
生兒育女，成事在天！劉華急唔嚟。上星期六（九月二十九日），劉華同 Sammi喺觀塘為杜琪峯新片《盲探》開工，雖然過咗二十七日（上週四）五十一歲正日，但劇組依然買定壽包，為壽星補祝生日。
見到一大枱（五十二個）壽包，化咗個巴掌印上面嘅劉華同 Sammi，興奮到又跳又叫，等劉華一吹完蠟燭， Sammi第一時間攞起就咬，十分捧場。
劉華好日子，八珍送你四個字：早生貴子！
導演坐低同 Sammi劉華對稿，至於坐埋一齊嘅游乃海（箭嘴）何以係咁用紙巾抹面？事緣之前阿杜搵咗佢做 tester，幫 Sammi劉華試色！
嗒住雪茄嘅杜琪峯唔食得甜，望咗當食咗。
喺觀塘拍完外景，劉華仲趕得切返歸陪妻女迎月。
當年拍《鍾無艷》， Sammi已經試過扮花面貓，巴掌面未試過，用手機影低留念。
全站熱搜
留言列表
