拆開包裝膠膜，唔少機嘅邊位都見到有輕微刮花（紅圈），講真都幾礙眼，俾着你想買機，會唔會要？

IGOSSIP

iPhone 5花邊少賺幾百

2012年10月04日 ~~ 第1178期 香港《壹周刊》

唔知 Apple係咪真係提早咗出 iPhone 5（ http://www.apple.com/hk/iphone/），搞到今次啲 QC認真麻麻，唔少買到 iPhone 5嘅機主都投訴話拆開新機層膠膜後，竟然見到有花邊！大大影響回收價。


劣質貨太多，而家去放機，真係要預留多啲時間俾收機佬驗屍。

問過先達幾間手機鋪多唔多花機，其中 G World Lo哥話收番嚟啲機差唔多有一半都有呢個問題，搞到啲職員收機嗰陣要抽查得更嚴謹，做到踢晒腳咁話。其實上星期開始 iPhone 5回收價已經開始回落， 16GB白色版更加跌到落七千五，預計今個禮拜隨時會跌到貼近七千，如果撞啱買返嚟部機有花邊或崩咗一忽， Lo哥話會酌量扣番幾十至幾百蚊，隨時每部淨係執到千零蚊，唯有以後淨係預訂回收價較高嘅黑色版，賺多一百多一百。 

SIII升級保平安

試過喺 GALAXY S II LTE撥號畫面輸入指令，真係即刻開始洗機，想停都停唔到。

Samsung（ http://www.apple.com/hk/iphone/ TouchWiz）近排真係問題多多，唔單只係美國輸咗官司俾 Apple，上星期仲俾人發現佢個自家 TouchWiz ROM（ http://en.wikipedia.org/wiki/TouchWiz）存在嚴重保安漏洞，用預裝瀏覽器睇「有料」網站，系統會自動執行病毒碼，清除手機資料或鎖死 SIM卡，而且病毒碼仲可以經 NFC（ http://www.nfc-forum.org/home/）、 SMS入侵，甚至直接喺手機嘅撥號鍵盤輸入，真係防不勝防。暫時所知， GALAXY系列手機入面只得更新咗最新 firmware嘅 S III（ http://www.samsung.com/global/galaxys3/）冇事，其他一律都會中招。喺 Samsung未幫舊款手機提供修補之前，可以點避？答案就係裝 Chrome（ https://www.google.com/intl/en/chrome/browser/）、 Opera（ http://www.opera.com/）呢啲瀏覽器上網，至於其他 Android（ http://www.android.com/）手機有冇事？可以去呢度做測試（ http://www.androidcentral.com/ussd-test）。 

落 K11捐電器

概念店入面有吸塵機俾你試吸力，不過就梗係唔會有呢位長腿索模招呼你啦。

屋企成日有啲電器想換，但舊嘅未壞，掉咗佢好似好嘥。雖然而家有唔少機構提供電器回收轉贈服務，但大部分唔會上門收機，回收地點又鬼咁隔涉，真係幾難鼓勵到人拎去捐……而家可以拎去尖沙咀 K11（ http://www.k11concepts.com/en/），因為 Dyson（ http://www.dyson.hk/）上星期喺一樓開咗間概念店，除咗有齊最新產品俾人試玩，仲同聖雅各福群會（ http://www.sjs.org.hk/）合作，代佢哋回收電器再捐贈，今個月尾前落鋪頭捐電器，買 Dyson嘅產品仲會有優惠，想買無葉風扇或超強吸力吸塵機，就要認真搵吓屋企有冇電器想換喇。 

text：周群雄、勞耀全