同你吟一吟
梁烈唯古惑仔上晒身
有指導演王晶要重拍江湖電影《古惑仔》，欽點羅仲謙做男主角扮陳浩南，梁烈唯做山雞，成身紋身 嘅黃貫中就做大佬 B，仲講到明放棄大陸市場，粗口劈友性愛場面通通去到盡，必定比起鄭伊健年代 嘅《古惑仔》更激。
新一輯《古惑仔》可唔可以再次振興香港影壇仲未知，但起碼振興到梁烈唯 嘅荷包。由《缺宅男女》 嘅關二哥，到《飛虎》 嘅阿源，雖然仲未坐正做一線，起碼成功脫貧，最近終於搬離天台鐵皮屋，改租私人樓，如今撈埋拍戲，開多條水，唔怪之得有傳梁烈唯打算停劇一年， 瞓身拍戲搏上位。
有咗後路，拍緊《仁心解碼 II》 嘅梁烈唯已經掛住扮山雞。當日劇情講佢同蕭正楠食食吓麵見到債仔，於是夾手夾腳捉住對方逼佢還錢。收爛數，古惑仔必修科，梁烈唯激動到青筋都現埋，不知幾入戲。做番自己，王晶冇揀錯人。
銅鑼灣十二點後我話事！（設計對白）
由麵店追數追到入後巷，梁烈唯爆完青筋爆手筋，蕭正楠都冇佢咁投入！
升格上二線頭，外景當日，附近班深水 埗街坊都捉住佢影合照。
有傳蕭正楠拍《仁心 II》期間做司機車苟姑娘返屋企獻殷勤，睇落兩個的確好好傾！
鄭伊健年代 嘅《古惑仔》系列，陳小春飾演 嘅山雞戲份絕不輸俾鄭伊健，兼且有套開正牌頭嘅《山雞故事》，梁烈唯接棒做新山雞，唔知有冇咁好彩！
全站熱搜
留言列表
