同你吟一吟
陳法拉撲返香港過節
最快月尾要隨隊出發去歐洲同台灣，為《衝上雲霄 II》拍外景嘅陳法拉，趁住仲有位攝，撲來撲去還「債」。
上星期二（二十五日）同官恩娜、 Cara G做完新店剪綵嘉賓，隔日（二十七日）又撲上南京，幫江蘇 衞視做綜藝節目嘉賓，二五話啲 job係一早傾落，所以即使孭住套劇，都要度期走一轉。
南京之行兩日一夜，第二日（二十八日），法拉瞓醒就上機趕返香港！
梗係，跟住六日一嗰幾日要迎月賞月追月，中秋節，就算唔可以日日有息休，都要搵日陪吓「老公」薛世恒同埋薛家兩老做節，「人妻」有規有矩，陳法拉知頭知路，有分寸！
雖然唔使自己郁手搬行李，但法拉照樣戙喺旁邊 𥄫實，冇第一時間上車坐。
Esprit新店開幕，儀式後，官恩娜主動同法拉碰杯。
全站熱搜
留言列表
