探熱針
因小失大 偏心童菲 謝婷婷王晶一拍兩散
多多錢無用
上週三晚（九月二十六日），已回復自由身的謝婷婷出席「關注乳癌運動」二十周年活動，對外傳甩王晶後會跟隨謝霆鋒簽約英皇，她斷然否認，更強調若再簽經理人公司，首要條件最緊要「夾」，否則多多錢都無用。
謝婷婷並非信口開河，而是有感而發。據了解，三年前正式全身投入娛樂圈的婷婷，在多間公司中敲定王晶，只因對方承諾三年五部戲、力捧做打女的條件。
「婷婷喺公司三年，到而家都係拍得三部戲，第一部《李小龍》，係文雋公司開 嘅，之後拍 嘅《猛鬼愛情故事》，婷婷根本唔鍾意個劇本，覺得個角色唔係咁適合佢，加上套戲係兩個故事佢只佔其中一個，所以拍得唔係咁開心。到最後一部《絕色武器》，話晒第一次孭重飛，但公司宣傳唔係好多。相比起童菲出寫真集，王晶搵咁多人撐場，出晒力做宣傳，佢覺得公司好大細超。」知情者說。
童菲早前出「唔賣弄性感」寫真集，王晶力撐兼大做宣傳。
梗係捧個索啲！（設計對白）
有指婷婷離開王晶投靠阿哥謝霆鋒，她即時否認。
謝婷婷出席活動，唔係講阿哥一家新動向，就係被問跟男友安子杰婚期，總之，話題一籮。
力谷晶女郎
新寵童菲今年六月出寫真集，王晶掟近百萬，連巴士都做埋廣告，記者會當日又嗌齊錢國偉、葉念琛撐場，出晒力。
「婷婷覺得自己唔受重視。老實講，近年佢出好多活動同接美容廣告，騷價八萬蚊起跳，其本上佢一個人 嘅收入，已經可以養起成間經理人公司，但啲資源就集中晒喺童菲身上，好似公司開《大上海》，有周潤發、黃曉明，都係俾童菲擔正女主角，所以佢覺得公司好偏心。」
謝婷婷不願留低，更將一直幫她的經理人及女助手帶埋走。
「婷婷走 咗冇耐， 啲人就跟住辭職，個助手而家都有跟住婷婷出嚟，所以晶哥都有啲嬲。」一名公司員工說。
童菲出寫真集，王晶又叫埋王祖藍、錢國偉同葉念琛撐場，幫新寵谷宣傳。
雖然孭正電影《絕色武器》，不過婷婷認為公司厚此薄彼，未有力谷宣傳。
去年婷婷有份擔正的《猛鬼愛情故事》，當時童菲（右一）已經有份演出。
童菲早前出席電影《大上海》發布會，戲中她跟黃曉明飾演一對。
反 枱收場
藝人和公司、經理人反面，甚至公開互相指摘，不歡而散的例子比比皆是，嚴重的甚至對簿公堂，無回頭！
謝安琪 300萬贖身
因經理人夏森美跟環球關係惡劣，加上四大唱片歌手絕 迹無 綫，繼而吳雨霏加盟環球坐正，謝安琪事業雪上加霜，為免坐以待斃，最終以三百萬贖身費解約。
農夫演唱會難產
本來講好今年八月開騷，但臨開騷前突然以門票滯銷宣布取消演唱會，令農夫和經理人對星煥唱片極度不滿，雖然離滿約日子不遠，仍決定長痛不如短痛，提早解約。
Solar打足六年官司
留言列表
