自今年三月跟無綫結束十九年賓主關係的馬浚偉（馬仔），工作有增無減，繼北上拍內地劇《鴛鴦佩》後，日前又返港拍廣告。當日在酒家拍攝的他，有錢賺之餘更獲廣告商揼本招呼，由早餐到晚餐，食足六餐龍蝦宴，相當富貴。
回復自由身的他，諗頭多多，亦已搵得投資者打本，計劃明年開設工作室，一手包辦製作，吸金吸到盡。
識飲識食
憑着主持《大廚出馬》，馬仔大廚形象深入民心，故獲富臨酒家睇中，擔任旗下龍蝦宴的代言人，日前他回港拍攝新廣告。當日踩足十小時的他，在酒樓團團轉，一時要到廚房露兩手、一時又要到魚缸捉龍蝦，雖然是首次，但他未有雞手鴨腳，兩三下手腳便徒手捉起一隻重約五斤的大龍蝦。拍攝輕鬆的他，由早到晚又狂食了六隻龍蝦，有錢搵又有好嘢食，可謂一舉兩得。
他直言︰「今日食得好豐富，因為啲龍蝦有成六款煮法，我全部都要食，不但有得食，酬勞都唔錯。我都係第一次做呢類代言，因為之前做飲食節目，大家以為我好識食，咁我都識煮嘢，最叻海鮮、炒牛柳絲和一般家庭小菜。」
當日馬仔首次徒手捉龍蝦，自言唔難，但因龍蝦份量不輕，拎一陣手已見攰。
當日拍攝時，他初時小心翼翼用網捉龍蝦。
全站熱搜
留言列表
