芷珊同媽咪姐講，做完《女主角》之後，仲會添食做多一輯《男主角》，媽咪姐大貪，唔知幾時先有發哥同星爺呢呵！
媽咪姐
爆《最佳女主角》星級名單
黎芷珊主持嘅清談節目《最佳男主角》叫好叫座，最高收視有成 26點。無綫就梗係乘勢添食搞個《最佳女主角》。
憑《最佳男主角》響朵的黎芷珊，以往在節目巡禮中，只負責攞咪問其他藝人，不過升呢後，上個禮拜六（ 10日）終於有機會着靚靚行紅地氈。
上周四（ 8日），芷珊姐姐喺無綫節目巡禮時就靜雞雞同媽咪姐講，有六位女星已落實受訪，名單包括劉嘉玲、舒淇、楊千嬅、鄭秀文、鄭裕玲同葉德嫻。另外，佢仲話聯絡緊林青霞、張曼玉、章子怡、湯唯同蕭芳芳等。不過當中亦遇到啲難題。芷珊姐姐話：「好似蕭芳芳咁，佢唔可以坐太耐做訪問，好難一問一答式去傾，要解決技術問題。」老實講，媽咪姐好想見到青霞姐姐同芳芳姐姐上電視做訪問囉，芷珊你真係要加多幾錢牙力呀！
應承受訪
待覆
全站熱搜
留言列表
