娶老婆，好鬼貴！（設計對白）
我食麵都得，不知幾抵娶呀！（設計對白）
婚禮以懷舊做主題，跟 Alex同齡嘅外父，送上金豬牌俾女婿。噢，好大手筆呀！
媽咪姐
杜德偉婚前慳住食
周日（ 11月 11日）係光棍節， 50歲嘅杜德偉（ Alex）就揀咗呢日脫離光棍生涯，迎娶 26歲嫩妻 Ice Lee，做個快樂老襯！
為冧老婆， Alex豪使 200萬，先喺深灣遊艇會同香港親友癲番晚，然後 20號就會飛去佢近年嘅事業基地台灣，喺君悅飯店再搞大 party。嘩，咁搞法，個荷包真係幾傷吓！難怪媽咪姐上周一晚（ 5日）見到杜生帶住準老婆去圓方幫襯「一平安」食平價拉麵，真係有情飲水都飽啦。見佢哋食麵食得不知幾咁 sweet， Alex仲要偷食 Ice碗麵㖭。
講時講，媽咪姐呢幾日跟進住杜德偉嘅婚禮，覺得 Alex真係嫁得過㗎。你睇佢連國際巨星梁朝偉都請到嚟做伴郎，而個個明星 friend喺個婚宴都玩得放鬆又盡興，就知杜生嘅人緣確係好到無得彈！人品好先會人緣好嘅，杜太真係好福氣呀。
食極唔飽
戴 cap帽着熒光褸嘅 Alex，點睇都唔似 50歲。估唔到佢連食量都同啲後生有得揮！食完自己嗰碗，仲心思思夾 Ice啲麵，勁為食。
神級相遇
Alex仲請到歌神張學友到賀。 B哥鍾鎮濤即刻拉住佢同蔡一傑影合照，偉仔仲 chok住上鏡！不過，後來愈來愈多賓客搵影帝影相，搞到佢無晒表情，真陰功。
《蘋果日報》圖片
如果唔係賀杜德偉做老襯，大家應該無機會見到咁多型人明星齊齊擺出呢款娘爆 pose。珍貴！剪存！
呂方朝早幫新郎 Alex接新娘，捱義氣做拱橋。下晝就拉埋梁朝偉等人一齊隊酒。佢飲到眼神迷離，但偉仔仲電力十足！
全站熱搜
留言列表
