句句金
句句金
上周六（ 10日），何韻詩參加「香港同志遊行 2012」活動，突然喺台上高呼：
我係同志！
其實媽咪姐早就知，甚至大家都知。但講出嚟，確係要勇氣。請鼓掌， to a better world!
徐子淇出席智行基金籌款晚會時，講到自己十幾歲入行，好早熟！佢話：
10幾年前，心態有 30幾歲，依家係 50幾歲。
心態成熟，好事嚟嘅！但個靚樣同 body就要 keep住青春嘞。咁先會家和萬事興。 
古巨基自言出唔出席頒獎禮要睇緣份，隨即被記者追問幾時結婚？佢就咁答：
結婚同搵錢係兩回事，乜結婚真係咁緊要？
哦，媽咪姐嫁咗，就梗係覺得唔緊要啦！係戥等咗你
十幾年嘅助手女友心急啫。 
古天樂喺北京宣傳新片《毒戰》，俾拍檔孫紅雷踢爆佢有美相伴，古仔急急否認：
你哋見我今日過光棍節（ 11月 11日），就知我無拍拖對象。
古仔，無 honey都可以食個 candle light dinner過情人節啦！
你個理由牽強啲喎。 
演藝界、學界及文化界代表聯署發聲明，要求梁特首馬上發放新免費電視牌照。杜琪峯話：
一台獨大，呢行從業員嘅工錢會被壓得好低，長此下去就培養唔到有才華嘅人才出嚟。
咪就係！人窮志短呀，媽咪姐唔想再捱啲爛節目同膠劇集囉。 
全站熱搜
留言列表
