揞名爆
「雜食王」英文唔掂累街坊
呢排唔少人批評電視劇入面竟然有好多英文對白，但啲主角又講到唔湯唔水，聽到人耳都側埋。不過，媽咪姐同大家講，呢啲其實係小 case喇！「雜食王」啲英文咪仲嚇死人，最慘佢拍劇係扮專業人士，少不免有啲英文對白，但呢位不學無術嘅小生，啲英文不嬲爛到不能再爛！而且佢根本懶得去改進吓，求其過啲英文對白就算，即係啲「 R」音無晒，「 L」同「 N」音又混為一體咁囉。
拍劇嗰時，導演同幕後聽「雜食王」啲英文聽到皺晒眉，但佢話極唔聽，又唔覺得有問題，久而久之，大家都慳番啖氣，費事再糾正佢。唉，最慘係負責剪片嘅同事啫！「雜食王」講十句英文十句都係爛嘅，點剪先？噢，唔通自拍劇都破天荒要搵人配音？大家真係要「洗耳恭聽」嘞。 
全站熱搜
留言列表
