最近搞自家天然護膚品 SÈ VE嘅徐淑敏，送出保加利亞珍稀白玫瑰花水同氨基酸補濕潔臉粉試用裝，吸引唔少 OL排隊攞！
媽咪姐
徐淑敏帶女踩 冧銅鑼灣
徐淑敏踩冧銅鑼灣
貴為兩女之母嘅徐淑敏，人氣絕不比偶像輸蝕，簽名會當日場面熱鬧，除 咗有大堆粉絲支持，有唔少 OL仲專程到場向徐淑敏請教扮靚秘訣。場外亦聚集過百街坊，相機、手機輪住閃唔停，逼爆成條街！不過講到最驚喜，就梗係徐淑敏 嘅兩位千金 Vianna同 Renee突然踩場，兩個眼仔睩睩，可愛到暈，難怪徐淑敏錫到佢哋燶。
徐淑敏踩入銅鑼灣行人專用區同《忽周》讀者簽名兼合照，雖然人多但秩序良好。
囡囡搶鏡
徐淑敏送完護膚品，大女 Vianna同細女 Renee突然出現， 冧得媽咪徐淑敏好鬼開心。雖然徐淑敏好瘦，但臂力相當強勁，一下就抱起兩個女。
大小通殺
除 咗大堆宅男粉絲支持，仲有唔少媽咪帶埋小朋友到場，大小通殺，扮靚達人吸力好強喎！
大女搞鬼
完成簽名會，徐淑敏拖住大女行去隔籬街上車，其間大女不時拖住阿媽跳來跳去，場面搞笑。
全站熱搜
留言列表
