今期最驚嚇
最近密密去滑浪嘅樂基兒，曬到黑口黑面，好似 燶 咗咁！雖然冇王管啫，但都唔使咁盡㗎。
媽咪姐
名模變
時下興變臉，好似 啲模為 咗靚，冇見一排唔同晒樣，變到連佢阿媽都唔認得。而有一定地位 嘅名模，亦一樣求變，不過係變好定變差，大家自己睇啦！
樂基兒變色
同黎明離 咗婚 嘅樂基兒，即時回復真我，做番 啲之前唔敢做 嘅 嘢。最近要做浪女 嘅佢，返嚟香港之後，耐唔耐就去滑浪，曬得一身古銅色。早前佢出席 MAJE時裝活動，媽咪姐就覺得佢曬過龍，有 啲菲律賓味道，睇嚟佢最適合做黑鬼油代言人呀！
黑到似炭嘅樂基兒，襯埋啱啱失戀兼面無血色嘅黃婉佩（ Race）度，真係黑白分明。
樂基兒不時喺 instagram晒自己滑浪嘅相，證明活得比你好！
Amanda S.變大
婚後已淡出模界 嘅 Amanda S.，主力打理餅舖生意。上周三（ 7日），佢單拖出席活動，向來瘦蜢蜢 嘅佢，着 咗件設計奇特嘅入膊衫，身形突然向橫發展，成個大隻妹咁款！
講到明好耐冇同老公外遊 嘅 Amanda S.，對住相機都唔識笑，唔通捱得好辛苦？
忙搞餅舖生意 嘅 Amanda S.，出手整餅之餘，仲耐唔耐落舖幫口試味，難怪大隻晒！
林莉變細
林莉 啱 啱去完個幾月法國遊學，以為佢叉足電，原來衰收尾， 喺返港前兩日，被扒手偷 咗手袋。佢早幾日出嚟，唔只個樣謝晒，連個胸都冇厘精神，明顯縮晒水。
瘦底 嘅林莉，之前 喺寫真集谷盡 32C，都算有 啲睇頭。
林莉眼袋犀利，加上又唔托胸，即時跌 watt！
全站熱搜
留言列表
