台北過夜
25/11 2:40pm又攬又啜
何詩好主動上前錫愛犬 Cookie，與「老婆」鄧九雲更頭貼頭，好 sweet喎！
當女咁養
狗女 Cookie
封面
失金馬 豁出去 何韻詩街頭攬錫老婆
上週六（ 24日），何韻詩出席在台北宜蘭舉行的「第 49屆金馬獎頒獎典禮」，雖然失落於最佳女主角，但全晚依然笑到四萬咁口，慶功宴上更被東亞老闆林建岳狂隊紅酒。凌晨兩點多慶功宴散席，當所有藝人都選擇入住只有十分鐘車程的酒店時，何詩卻選擇坐一小時車返台北市。
本刊發現，何詩之所以急急腳返台北市，皆因翌日便要坐下午機返港，趁仲有十多個鐘，何詩爭取時間極速返家餵飽台籍愛人鄧九雲。週日（ 25日）下午，鄧九雲更帶着二人愛犬 Cookie到樓下送何詩上車，臨行前 man到爆何詩，「老公」上身，主動攬錫「老婆」。可見公告「出櫃」後，何詩放開晒包袱，下一站，同性婚姻大膽愛。
直擊出櫃詩台北瘟女
早前容祖兒承認情定師兄劉浩龍後，何詩多次以大輸家身份扮慘，早前更公開說：「永遠都唔會有另一半，我會孤獨終老！」何詩又趁師兄和祖兒到韓國旅行時突然出櫃，前週六（ 10日）公告「我係同志」後，更罕有地接受多個訪問，「希望找到一個可公開的終身伴侶，並與對方到容許同性戀婚姻的加拿大註冊結婚。」
世紀抱抱
話晒私人屋苑，四圍冇咩人， man爆何詩終於放下戒心，主動攬實女友鄧九雲，一抱勝過千言萬語。
25/11 1:45pm急步上樓
前一晚成凌晨 4點至返到屋企，翌日何詩寧願早起都要陪女友食個午飯。當日中午，二人外出吃午飯後，便孖住坐的士返家，離遠睇真係與男女朋友冇分別！
撲返台北瘟女
實情去年底何詩與容祖兒分手後，已極速與舞台劇《賈寶玉》女角鄧九雲撻着，二人更於台北市木柵區共賦同居。
上週六（ 24日）晚，何詩出席完在宜蘭舉行的「第 49屆金馬獎頒獎禮後」，除下火紅谷胸晚裝到達老闆林建岳搞的慶功派對，席上何詩雖然無獎在手，不過仍然開心滿場飛，仲有求必應杯杯清。
約凌晨兩點，林建岳、 DaDa等先後離開，何詩於兩點半亦上車鬆人。約一小時車程，司機以時速 110公里直奔台北市，最後到達位於山上的私人住宅「愛眉山莊」，何詩亦熟練地走入大堂上樓。
送行摸腰
何詩起勢同隻狗玩，女友鄧九雲無所事事，惟有摸吓何詩條腰過吓手癮。
抱狗 say bye
即使何詩上咗車連車門都關埋，鄧九雲仲抱住 Cookie講再見，可見佢有幾唔捨得「老公」。
金馬女人 look
上週六（ 24日）何詩着火紅晚裝出席金馬頒獎典禮，谷晒胸嘅佢話：「我係愛同性，但冇話要做男人喎！」《蘋果日報》圖片
週日（ 25日）凌晨 3點半，何詩漏夜返愛眉山莊陪女友，寃氣到暈。
愛巢超抵住
連體 11小時
週日（ 25日）下午 1點 40分，何詩坐的士返家，素顏鄧九雲則手持當日報紙緊隨其後，當日所見，失意金馬的何詩，換上 man爆真面目，與鄧九雲前後腳，甚有夫妻味。
下午 2點，何詩保母車已到樓下，等足 40分鐘，何詩助手先推行李走出大廈，記者已見何詩和鄧九雲隨後步出。
由於其住所是山頂盡頭，而且私隱度高，何詩漸漸放鬆戒心，其間鄧九雲抱起二人愛犬 Cookie時，何詩亦上前錫 Cookie，女友鄧九雲更事無忌憚輕撫何詩腰部，二人黐纏近兩分鐘，何詩最後伸手攬實女友，一切盡在不言中。鄧九雲更抱住 Cookie目送何詩離開，上車後的何詩即將午餐照片發放上微博和 Instagram。
老闆射住
雖然喺《奪命金》飾演基金經紀嘅何詩出鏡只有 3場戲咁大把，但都可以有份提名「最佳女主角」，老闆林建岳喺慶功宴上成晚搭住何詩膊頭，仲話下年都會繼續開戲畀何詩，忽然得寵，何詩都有啲受寵若驚。
搶 Sammi獎
何詩成晚攬住個獎影相，佢仲識揀到死攬住 Sammi個「最佳原創電影歌曲」獎，咁老友， Sammi唔介意嘅！
恨到出面
唔知何詩係咪好恨攞獎，攞完 Sammi個獎，又係咁摸住任賢齊個獎，下年努力啲囉！
狂食交戲
平日對記者態度一般，但慶功當晚何詩異常合作，有求必應，仲唔介意大啖大啖喺閃光燈下食嘢。
愛台妹夠溫柔
臨別依依，十足熱戀情侶難捨難離。據知何詩每次到台北，都會入住佢同鄧九雲這個同居竇，而她更私下向身邊的女同志透露，極愛鄧九雲「台灣妹好溫柔」的性格。
自何詩出櫃後，言論確係比以前大膽，她曾在訪問中說：「 𠵱家講 嘢多 咗空間，例如以前唔講得男女朋友， 𠵱家可以講女朋友。」
雖然她更強調大部分緋聞都係假，當記者追問她與鄧九雲、路嘉欣和魏如萱三位緋聞女時，她更說：「過去 咗，唔逐一確認」。同居過夜斷正，睇嚟何詩都係時候畀鄧九雲一個「老婆」名分囉！
多情詩轉攻台妹
雖然何韻詩最近大膽站出來大聲高呼自己係女同志，其實何詩出櫃前兩年已出現一大堆同性密友。除現任女友鄧九雲、仲有路嘉欣，更有一名貌似容祖兒的魏如萱，全部台灣佳麗，多情詩原來已將交友陣地轉移到台灣。
出櫃畀名分
鄧九雲
現年 35歲嘅何詩，今年 2月因與 29歲台灣女演員鄧九雲合演舞台劇《賈寶玉》後而撻着，更一齊同居於貝沙灣，據稱最近出櫃，其實係要畀台妹鄧九雲一個名分。
追到去台灣
路嘉欣
同鄧九雲撻着之前，何詩演出《賈寶玉》時，亦曾喪溝同劇「 12金釵」之一嘅 32歲路嘉欣，據稱當時何詩經常借故飛去台灣搵路嘉欣，又成日 WhatsApp傳情，勁主動。
入屋一家親
魏如萱
現年 30歲嘅台灣歌手魏如萱，據知於今年頭已同何詩暗交，早前貌似祖兒嘅魏如萱於自己 fb放上與何韻詩愛貓合照掟上網，更同何詩父母合照一家親，入埋屋。而何詩嘅〈癡情司〉國語版亦由魏如萱親自填詞，公私關係良好。
出櫃為同志發聲
一直性向成疑的何詩，今月 10日何詩趁香港舉行同志遊行，終於身體力行出櫃參加遊行，更於 4千人的掌聲中大聲高呼：「我好驕傲講一聲：『我係同志！』」更強調多年前已想公開性向，最近因社會對同志歧視打壓，終於打破沉默將抑壓內心情緒宣洩。
何詩出櫃，一班密友如 黄耀明， Wyman及立法會議員陳志全（慢必）都挺身支持，出櫃都高調過人。
出櫃後 3日，何詩即接受商台訪問，坦言已將包袱放低，說話空間多了，瞓得安樂，但始終唔肯多講感情事。《蘋果日報》圖片
金馬台下仲好睇
劉青雲咀 4次
13年前提名過金馬獎影帝嘅劉青雲，上週六（ 24日）終於憑《奪命金》首奪獎項，唔怪得青雲同老婆郭藹明喺記者面前連咀 4次，好似結婚咁高興都肯啦！
桂綸鎂平胸贏晒
喺《女朋友．男朋友》入面由學生妹到生兒育女，仲要用電剷自剷頭髮，當晚仲要極性感真空上陣，咁大犧牲，影后非你莫屬啦！
DaDa黐餐
柯震東布景板
留言列表
