Web Spy
楊千嬅千里掛仔
生完 Torres後開始復出 嘅千嬅，早前頻頻出席活動， 啱 啱又同囝囝一齊做善事，幫香港思覺失調學會影月曆籌款。
母子檔開工當然開心，但唔係次次都咁 so。最近千嬅幫內地 CCTV1一個綜藝節目《夢想合唱團》做廣州區明星隊長，要親自帶隊參賽，千嬅仲將成個比賽過程花絮放上 fb。雖然廣州同香港好近，但由練習綵排到正式比賽， 9日先搞掂。冇老公同阿仔喺身邊，千嬅接受訪問時喊晒口話掛住 Torres，轉個頭又寫「媽媽很累，很想念，就算旁人不理解，不明白，最重要是，我知道你懂的。」就算全世界唔明，相信當年因為掛住蝦餃仔而淚灑記招 嘅 Kelly，都一定明囉。娛圈母愛潮泛濫呀！
產後首次上台唱歌嘅千嬅，對當日表現相當滿意。
身為廣州區隊長，千嬅親自揀蟀參賽，好落力！
掛住快將半歲嘅 Torres掛到喊，睇嚟千嬅第時都要學陳慧琳，接吓本地廣告賺奶粉錢算啦！
全站熱搜
留言列表
