椰青冬蔭功$68
連椰青肉、椰青水都盡入冬蔭功之內，湯身入口鮮味濃郁，吞下留有強烈椰青香味，餘韻甚長。

潮𡃁便當

泰菜新食

2012年11月28日 ~~ 第288期 Face

食開泰國菜，都知集齊甜、酸、辣幾味在一身，又善於用汁同各種香料。
最近，泰菜新餐廳以及入時食譜不住湧現，趨勢各走極端，有菜式 grand，但價錢實惠的，有街頭地道的，更有與本地菜及與日本菜融合的，真係乜都有，點會唔食上癮！

入冬新品「泰」愛雞煲

80後老闆 Tommy，因為外婆在 90年代的餐廳結業，覺得可惜，加上母親從事泰國雜貨店生意，對泰國食物及材料早有認識，所以決定在九龍城原址附近另開一間餐廳，同樣叫「昭柏耶」（即泰國母親河之意）。店內菜式結合港人喜愛口味，例如 Tommy主張泰菜應取其鹹香，不應一味死辣，所以就用原個椰青熬冬蔭功，將椰青水盡入冬蔭功內，既有酸味，亦有椰香，並看準近期雞煲大熱，自創風味雞煲，加入泰國辣椒、胡椒粒及大量香葉，端上來香氣四溢，冬日至啱！


11月新品
泰式明爐蝦價錢待定
將做泰式生蝦的草蝦入饌，貪其啖啖肉，還以較粗身的泰式粉絲座底，方便吸盡酸酸辣辣的汁水。


爆炸蝦$115
連金不換、香茅等香料都拎去炸，卻不肥膩，香脆非常，伴大頭蝦食好惹味，食開避風塘炒蟹的朋友要試！


11月新品
加入泰國辣椒、胡椒粒及大量香葉，香氣四溢，入口帶辣，辣味愈食愈出，夠晒暖身！

趨勢 1　本地化

食客 Ben Linda老闆朋友
我哋最鍾意嚟佢度開餐，最鍾意椰青冬蔭功，因為加咗椰青，好香！

知道香港人食唔到太辣，口味調得以香為主，並因應香港雞煲熱推出泰式雞煲。 

昭柏耶

地址：九龍城龍崗道 19號地下
電話： 2382 4855
營業時間： 11am-12nn 

80後泰菜新蒲點

9月份開張的泰閣，環境設計時尚，專攻年輕人市場，菜式選擇由小食、湯、海鮮、咖喱、飯類、粉類及甜品都有，賣相亦相當講究，咖喱軟殼蟹、金柚子蝦球沙律或者菠蘿炒飯的價錢，由$78-$138不等！由於集團有經營食材批發經驗，所以店內材料例如鹹蒜頭、青檸、咖喱粉、金柚子等，均來自當地，並在柴灣設中央工場，確保食物質量。


11月新品
金柚子蝦球沙律$78
選用泰國金柚子，鮮甜多汁，上加泰國辣椒，甜、酸、辣三味一次到會。


椰青$35


菠蘿炒飯$88
炒飯加入黃咖喱、雞肉及大蝦去炒，取其惹味，配上清甜泰國菠蘿粒，整道菜味道就變得平衡。


泰式甜品拼盤(大)$78
甜品有 4款共 12件，款式包括千層糕、糯米滋、大菜糕及西米糕。


泰皇咖喱軟殼蟹$138
咖喱汁加入椰奶及泰國香料，香而不辣，全因師傅特別因應香港人口味調配，怕食辣的朋友都冇問題。

趨勢 2　 Grand化

食客 Eddie售貨員
本身想嚟食呢個金柚子蝦球沙律，不過原來午市無，呢度海南雞飯都唔錯，我哋成日過嚟。

以往想找地方四正的泰國餐廳，一字曰：貴，泰閣就相對實惠，而賣相亦佳。 

泰閣

地址：尖沙咀廣東道 33號中港城 2座平台 3號鋪
電話： 2878 7666
營業時間： 11:30am-10pm 

地道木瓜沙律搶灘

新店 The Spice House麻雀雖小，但老闆 Kik雄心壯志，在灣仔另有一間開業 4年多的 Chili House，同樣主打泰國菜。 20多年前由泰國來港，憑着對泰國菜式的認識， Kik及其泰籍師傅專做曼谷地區菜式，一款青木瓜沙律（ Som Tum），就在泰國街頭食肆常見，客人落 order之後， Kik會將手刨青木瓜絲、泰蒜、車厘茄、蝦米、花生等材料放入大碗中，用木棍慢慢的搗碎，再加入鮮魚露，入口酸酸哋，好開胃，而呢種以大碗搗碎材料的製作手法，正正是泰國地道。


泰式青木瓜沙律$35
青木瓜絲入口爽脆，兼帶蝦米鹹香及魚露酸咪咪，女士們最愛！


泰式香腸$65
有別一般香腸帶鹹香，泰式香腸入口帶酸，內有切粒豬皮及糯米，非常地道。

趨勢 3　街頭化

食客 Bell Icy秘書
我哋之前已經嚟過，因為去泰國嗰陣食過青木瓜沙律，發現呢度好地道，所以心思思又嚟。

青木瓜沙律未必係新鮮，但勝在製造過程都跟到足，難怪口味咁地道。 

The Spice House
Restaurant

地址：灣仔廈門街 35號地下
電話： 2804 2522
營業時間： 11:30am-10pm 

泰國街頭粉仔登陸

香港人去泰國，必去翟道翟，最近在天后，亦開了一間翟道翟，專賣泰國街頭粉仔，店內貼滿當地流行的牙買加歌手 Bob Marley的海報及貼紙，加上木製桌椅，勁夏日風情。老闆娘 Purple本身是泰國迷，去旅行，只去兩度：泰國及日本，所以店內粉仔，除了仿傚泰國街頭小店，亦結合日本元素，例如湯粉仔除了米粉及金邊粉，還有日本葛根粉，用料除了細細粒的泰國魚蛋及豬肉丸，還有叉燒及海蜇，將個人喜愛變成泰日結合菜式。


泰國街頭湯粉仔(金邊粉)$32
湯底乃燕姐每朝 9點，用上豬骨、甘筍、芹菜、芫茜熬成，每日熬製，不留過夜。粉仔還可加底，價錢$12-18不等，嫌泰國粉仔分量太少的男生都冇有怕！


泰拳芝士條$24
芝士一咬爆出，外脆內軟，好味！


涼伴撈葛根粉$35
材料包括海蜇、青瓜絲、叉燒絲及車厘茄，勁有食日本冷麵 feel，葛根粉滑不溜口，想到要當心。


糖，辣椒粉
食時仿傚泰國人，加入辣椒粉及糖，就更加地道。

趨勢 4　 Fushion日本菜

食客 Wendy Ajax學生
我哋第一次嚟，覺得呢度裝修幾特別，鍾意佢嘅葛根粉仔，好好咬口，口感好特別，其他地方好少食到。

泰國粉仔本身不提供葛根粉，材料亦不加叉燒及海蜇，翟道翟就運用創意帶出特色。 

燕姐

燕姐成日着住泰國民族服，擁有泰法血統，居港 40年，在老闆娘 Purple開日式蛋包飯專門店時認識，因為喜歡做嘢多過大食懶，提議為飯店免費洗碗，到開翟道翟時，更帶 Purple到泰國學師，並以本身人脈，為店鋪訂購泰國食材，人情味之高香港少見。 




燕姐碗仔翅$20
胡椒味特濃，冬天熱食至適合！


泰式香辣無骨鳳爪$25
酸酸辣辣，鳳爪又好肉地，話咁快食晒！


泰國椰子汁$12
由泰國空運而來，在當地，就等同香港可樂、檸檬茶咁 common。

泰國翟道翟街頭粉仔

地址：天后電氣道 83號利景閣地下 7號鋪
電話： 2806 1010
營業時間： 12nm-3pm， 5pm-11pm 

撰文：梁智欣
攝影：葉曉明、吳偉業