U花 U草
港大索飛魚 恨變商界女神
張嘉晴（ Rachel）
港大會計及財務學系 Yr.1
家住跑馬地過千呎豪宅、爸爸是電子工程師、就讀港大會計及財務學系 Yr.1的 Rachel，年紀輕輕就已經決意將來靠自己努力，誓要成為商界女強人，闖出一番事業。「好多朋友一開電腦都係睇 facebook或者淘寶，但我就一定係先睇財經網，睇吓投資分析，跟進大市走勢我覺得仲有趣！但我就冇買股票。」
活潑好動的張嘉晴一向男仔頭性格，她穿上斯文的連身裙拍照時叫苦連天，渾身不自然，但一穿上背心短褲立刻大叫舒服！
早前大專水運會， 18歲的 Rachel出戰 50及 100米蛙泳，當日連方力申都現身，為同是 St. John’ s宿生的小師妹打氣，身高 5呎 7吋的 Rachel除了游水勁，原來更是港大田徑代表。
想入商界
不過超有運動細胞的 Rachel，卻一心在商界打滾，希望成為投資女強人，「由小到大，我以開餐廳的公公為偶像，佢好後生就賺咗人生嘅第一桶金，即使近 80歲仍堅持親手打理生意，我很佩服佢嘅毅力同熱誠，所以我對做生意充滿興趣。」
自小六開始學習游泳，每天放學都花兩、三小時練水，也是名校聖保祿學校游泳隊隊長，但她卻說：「我讀書唔叻，以運動員計劃入港大會計及財務學系，真係覺得自己好符碌！難得考入心儀學系，當然要畀萬二分努力讀書，所以以學習為重，拍拖都唔諗住喇！」
目標明確做商界女強人的 Rachel，當問到戀愛，卻不禁面頰泛紅，仍單身的她在訪問期間，電話響不停， Rachel說：「多數都係男仔，有時 WhatsApp都覆唔到咁多！不過我男仔頭性格，大家係兄弟冇計嘅！」
運動世家
飛魚 Rachel母親原來大有來頭，是 78年曼谷亞運香港游泳代表廖靜嬅，「我小六才開始學習游泳，同啲四、五歲小朋友喺淺水區度學吹波波！不過學咗三個月就識！」相信 Rachel的運動細胞都是繼承媽媽。
田徑主力
繼承了媽媽的運動細胞， Rachel不單只是游泳健將，跑步、跳高都是她的強項，也是 2010年港九校際 D1田徑賽跳高銅牌得主，又有份出戰競爭激烈的 4× 400接力賽事，幾乎 10項全能。
棄舞游水
Rachel自 5歲起開始接觸芭蕾舞，她直言：「學咗 8年芭蕾舞，最後因游水嘅表現較突出而放棄跳舞，不過我冇後悔，我都好鍾意游水！」
小方撐場
港大校友方力申在早前大專水運會現身撐師妹場， Rachel笑言：「佢叫我加油，畀心機！開心死我！」
U花 U草：
只要是各大專界的靚仔靚女，《 FACE》就會介紹給大家認識。 
撰文：校園組
攝影：何榮亮
形象： Bryan@the Flaming
服裝： Forever21
化裝： Wing@Wing L image
留言列表
