今年 21歲，真人身高大約得 5呎 2嘅 CL着住 Jeremy Scott最新系列到場，一上到台就嘟嘴 high爆！
CIA
2NE1 CL爛瞓豬
PSY同 BIGBANG嘅師妹， 2NE1英文最好 嘅成員 CL（李彩琳）上星期四出席銅鑼灣世貿聖誕活動。 4位成員以佢嘅英文最流利， CL當然唔怕晒。
話說當日有份出席活動 嘅美國時裝設計師 Jeremy Scott，一到場已經同大會搞手話唔好意思，佢當日心情唔係幾好咁話。 CIA亦第一時間潛 咗入 VIP區，發現 Jeremy的確心情麻麻，無乜講 嘢，但當佢見到 2NE1嘅 CL到場，即刻好似開籠雀咁傾唔停。 CIA醒起 Jeremy同 2NE1上年曾經 crossover幫 adidas設計 咗對波鞋，所以佢 哋可以講話一早就識，唔怪得咁好傾啦！ CIA仲見到佢兩個喺活動前一晚孖住去食齋同按腳。
嚟香港之前，其實 2NE1就去 咗台灣宣傳，有台灣行家問 2NE1平時點樣護聲， Bom話每朝都用鹽水漱口，平常出街都戴口罩。 CL就話：「我試過燉水梨，沒甚麼效果，還是睡覺最有用。」唔怪得上星期三 CL落機 嗰陣嬲爆爆啦，因為唔夠 瞓， CIA明晒！
2NE1大部分成員都識講英文。 CL就因為老豆李基鎮教授係物理學家、童話作家、漫畫家及收藏家，需要去各國工作同留學，所以 CL細細個就跟住老豆 喺海外四圍住同留學，年紀小小就識講韓、法、英及日四國語言。
網上圖片
Jeremy Scott見到 CL入 咗 VIP區後即刻笑番，兩個人仲傾到雞啄唔斷，又攬實影合照， 啱晒嘴形。
有份出席活動 嘅日模松岡李那露胸圍，擺明想夾擊韓妹。
全站熱搜
留言列表
