真面目
神級新人 影后玩 Rock 48歲張曼玉簽吳彥祖出碟
今年 6月宣布同拍拖 5年的德國建築師 Ole Scheeren分手的張曼玉（ Maggie），自從 04年拍完《 2046》後冇再接戲，只曾經客串《全城熱戀熱辣辣》及《希魔撞正殺人狂》。
影后無心戀戰，反而近年迷上音樂，上月尾出席北京《 Vogue》 120週年活動，突然以 rock友姿態上台打鼓兼獻唱。雖然有網友批評張曼玉把爛聲嚇人，但據知曼玉決定棄影從唱，更已簽約由吳彥祖揸旗的唱片公司 Revolution出碟。 48歲先做樂壇新人，影后果然夠薑！
張曼玉 04年接拍由法籍前夫阿薩耶斯執導的《 Clean》，飾演吸毒女歌手的她，除了獲得當屆康城影后外，亦於戲中唱了幾首歌，又認識了一班獨立音樂人，開始玩音樂。曾表示熱愛唱歌的張曼玉，早前自爆忙於剪片及作曲，更表明唔會唱 K歌。「如果要我做 pop，我唱歌一定唔及楊千嬅，我又唔係玉女，只不過想單純做音樂！」
張曼玉曾經同吳彥祖（小圖）合作拍《全城熱戀熱辣辣》， 𠵱家仲簽埋畀對方間唱片公司，有排合作。
Maggie唱到瞇晒眼，又走去外籍結他手隔籬扭身扭勢， natural high！
Maggie當晚除 咗唱歌，打鼓都打得有板有眼。
週日（ 25日）晨早出席 Unicef馬拉松活動，要早起身 嘅 Maggie雖然瘦到得棚骨，但精神唔錯，全程笑笑口為跑手打氣。
親自填詞
早在 04年， Maggie已為電影《 Clean》唱過 4首歌，口碑唔錯。
唔恨做流行歌手，張曼玉 10月時為時裝雜誌獻唱自己作詞的作品〈 Visionary〉，果然以 rock婆形象上台。白背心黑窄褲加紅帽的曼玉，一出場即打鼓，然後用一把極低沉聲線唱歌，期間邊唱邊跳，超 hyper！
據知曼玉一直計劃出碟做歌手，最近更決定與吳彥祖的唱片公司 Revolution簽約，成為恭碩良、廿四味等音樂人的師妹。據知她除了主唱，又會負責作曲，以唱作人身份正式加入樂壇和出席音樂騷。有幾層樓揸手，唔使擔心銷量的曼玉想唱乜都得啦！
本刊致電吳彥祖公司求證，其發言人 Teresa至截稿前仍未回覆。
陳奐仁：出碟搵我啦！
留言列表
