Beauty Hunt
韓戰 蔡恩真
韓風吹得勁，各男女團迷死唔少人，連肥佬 PSY都話 hit爆全球，韓國妹值租，但 3字出頭嘅韓國歌手蔡恩真（ EJ）反而唔想留喺出生地。
內地流行北漂，蔡恩真則 4年前放棄韓國歌手事業，隻身南下來港亂闖，原因係拒絕韓國倒模式的造星制度，只是在港從頭開始，冇錢冇物，更加激發她的求生意志，入娛樂圈只係踏腳石，做生意先係佢終極目標。
蔡恩真喺韓國當歌手，為女子團體 CLEO團員之一，但蔡恩真原來唔鍾意被人叫做乜就做乜：「我係一個好獨立嘅女仔，唔鍾意俾人控制，我要做自己想做嘅嘢！啱啱嚟香港我冇錢、冇計劃、冇諗法，只喺想求生，所以盡量叫公司幫我接多啲 job，增加見報機會，起碼要有人認識先可以講計劃。但 𠵱家唔同，我有朋友、有事業又有固定嘅家，而且有計劃。我要做一個生意人。」
Plan結婚但冇男友
王友良旗下的女子跳唱組合 Girls Kingdom，由五位日韓女子組成，蔡恩真是其中一員。做番老本行，當然冇問題。
陳美詩明明變臉都可以撐係化妝技巧，但典型韓妹 look的蔡恩真整過容係人都知，更有個整容醫生老豆，她更曾直認胸、眼、鼻都整過。「整過咪認，怕咩呢？我唔鍾意講大話，好過有啲藝人做咗唔敢認。我一早 plan咗今年要結婚，但 𠵱家連男朋友都冇。其實無論邊個國家嘅男仔都好，我無所謂，但一定要溝通到，不過對香港男仔印象唔太好，佢哋只係想識女仔 for fun。」一個人喺香港，都係小心啲好！
Profile
年齡： 31歲
身高： 170cm
三圍： 34C-25-35
嗜好：游水、滑水
喜愛韓星： 2PM、 Rain
最愛韓戲： The Thieves（《盜賊門》）
採訪、撰文：張佩姍
攝影：范仲良
形象： Bryan@the Flaming
服裝： Miss Sixty， Killah
髮型： ii salon
全站熱搜
留言列表
