Ronny說未來最影響他生意的不是對手，也不是合作夥伴，而是韓國的政治環境，要是北韓與南韓開戰，打垮了旅遊業，那有人會去韓國影婚紗相呢？

創業通

導遊起家　搞韓國婚紗攝影　月賺 28萬

2012年11月28日 ~~ 第1088期 交易通．搵車快線

韓星、韓國手機、韓國護膚品……就連韓國婚紗攝影都廣為港人追捧。記者的年代是哈台、哈日，長大後也憧憬去日本、台灣影結婚相。專營韓國婚紗攝影服務的 s.a.wedding老闆 Ronny說：「韓星咁 hit，好多 70、 80、 90後都煲韓劇，今日或者將來結婚，都會好想去韓國影婚紗相，影出 嚟 嘅相好重韓劇味，係女仔都發夢做主角，所以上年公司一開，以保證全城至低價作招徠，一年就吸引 咗 400對新人去韓國影婚紗相。」他自言客人數量是香港業界 number one，現時月賺約 28萬元。


Ronny長駐韓國，但一到婚紗展一定回香港統籌。

一般去韓國影婚紗相有兩種途徑，一是由香港攝影師操刀，客人與化妝師一起飛去韓國拍攝，價錢約$20,000；二是找 s.a.wedding這類中介公司，提供韓國多間婚紗攝影工作室的套餐，價錢由$23,000至$36,000不等。由於後者較有韓國 style，所以較多人選擇。
31歲的 Ronny是不折不扣的韓國通，本是富三代的他因家道中落， 19歲隻身去韓國闖天下，先後做過苦力、侍應生、導遊。 07年靠做導遊的積蓄，成立 s.a.公司，由賣韓國土產藥布做起，之後開發滑雪用具、韓國一天團、酒店等業務。
「我做 嘅都係與旅遊業有關，藥布可以經導遊 喺團度賣；雪具租畀遊客；酒店 for自由行，我 喺度諗仲有咩連帶生意可以做，眼見香港都有幾間韓國婚紗攝影中介公司，賣成 3、 4萬一個 package都大把人幫襯，我就同我韓國 嘅助理商量，再搵當地 studio傾，一計數，萬幾蚊個 package都有得賺，也連帶可保持酒店入住率，呢盤生意做得過！」 

半個月閃電開公司

上年 5月決定，即投資約 30萬閃電式開 s.a.wedding， 5月尾聘請 2名員工專責收客及參加 7月的會展婚紗展，「我請 咗有 Marketing經驗 嘅員工，但未做過 wedding公司，我覺得咁樣會畀到好多新 idea，唔使局限喺舊有市場 嘅模式。 嗰時 office都未有，我即訂 咗婚紗展個位，因為收客及宣傳主要係靠展覽，另外我更重本花 20萬去搭個展位，我做廣告 嘅家姐都話太冒險，不過人靠衣裝，個展位靚，不單吸引到客，亦令客人有信心。結果擺 咗 3日，即有 40對客落單。」
最初他們和其他公司一樣，在展覽會展示由韓國婚紗攝影公司提供的相簿供客人參考，客人選出自己喜歡的風格，職員就報價，由$23,000起， 3日行程，一日揀衫、一日影相、最後一日揀相，承諾保證是最低價，包酒店至 studio的交通、基本化妝、租用禮服、翻譯等服務，並提供 s.a.酒店住宿。
「其他公司可能唔包住宿，又或者每個細項加錢，就算包酒店，有時旺季如 4月櫻花、 10月紅葉季節，也未必攞到房，又或者要加好多錢，我 哋有自己酒店可預留房，除 咗機票同駁髮要另外畀錢外， package價錢係全包宴。」 Ronny笑言沒有計錯數，開業至今發現 wedding可帶動酒店業務，而亦有不少港客因住過他們的酒店而去惠顧 wedding服務。

客人 May

三月去咗韓國影，仲拍埋片，又冇額外收費，有朋友幫襯第二間，要自己喺香港拎禮服去，好麻煩，之後化妝又加錢。

針對港客自立門戶影外景

他對韓國婚紗攝影事業好樂觀，因為這一輩年輕人被韓流洗腦， 5、 10年後結婚都會想去韓國影婚紗相，加上韓國的攝影公司好落本搭景，每季都會更換，保持新鮮感，效果媲美電視劇。「其實韓國本地人興 喺影樓影多過通街影，有時你見到 啲 cafe、公園景以為係 outdoor，其實都係廠景。不過香港人遠道飛到韓國，冇理由淨影室內，好多都要求去唔同景點、韓劇點，韓國 studio多只影影樓，所以上年年尾我即 喺韓國成立 2間 studio，針對港客鍾意周街影，仲去到遠一遠韓劇熱點南怡島拍攝，所以都吸到唔少客人，現時每月平均都有 40多對客，算係行內數一數二多。」
商場好現實，由於 s.a.wedding有穩定客源，慢慢有好多韓國攝影公司主動找 Ronny合作，「開業初時都遭過白眼，嫌我 哋新唔肯合作，或者唔優先畀個期我 啲客，甚至要求畀錢買佢 哋 啲 sample相簿，但做落見到我 哋有成績，多 咗 studio搵我 哋合作，亦有好多 studio老闆約食飯叫我 哋落力推佢 哋公司服務，當然 嗰 啲 sample相簿、宣傳品源源送上！」開業至今合作的攝影公司由約 30間增至 80多間。
海外婚紗攝影這行很重口碑， Ronny不時上討論區了解顧客的反應，「有 啲網友話去韓國影婚紗相換來賣豬仔感覺，收 咗錢後香港間公司乜都唔理，其實又唔奇，因為以往香港公司多以中介人身份，有 啲甚至可能係當地留學生與香港朋友兼職做，收到客彈去韓國間攝影公司就算，我 哋唔想 s.a.wedding畀人呢種感覺，於是我 哋 喺香港及韓國請 咗近十個名員工做售後服務，韓國人唔興勁執相，最初客人也嫌 啲相只係輕輕執過，要改變韓國攝影公司服務好難，我 哋就索性自己成立一 team人專執相，韓國公司執完我 哋再翻執做 QC，呢行最緊要零投訴。」


韓國大部分的 studio都是影廠景，但場景美輪美奐。


s.a.韓國公司大部分員工都能操普通話或廣東話。

基本 package內容
（$23,000起）

1 1天 4至 5小時 studio拍攝或 1天 7至 8小時外景拍攝
2相簿一本
3修圖服務
4 20R相片連相框
5全部原檔相片
6 2套婚紗、晚裝及男士禮服
7化妝、髮型設計
8隨行翻譯員
9交通
10 2晚酒店住宿


客人可選擇去《冬季戀歌》取景地南怡島拍攝。


韓國 style婚紗相極富電影感，老、中、青少女那個不想做韓劇主角？


套餐包 2晚 s.a.酒店住宿。

目標 9年後上市

目前在港提供韓國婚紗攝影的公司達三、四十間，有規模的不出 5間， Ronny不擔心有競爭對手，覺得多人從事這行可起正面作用，吸引更多人去韓國影相。「韓國觀光公社亦好支持，覺得有助帶動旅遊業，所以 s.a.wedding亦獲觀光公社贊助賣雜誌廣告，至於幾多就唔方便透露。家公司算上 咗軌道，我目標 40歲前，將 s.a.集團上市，做上市公司主席，再而回饋社會，我好想捐身家，做到 Bill Gates咁，我興趣係搵錢，但錢對個人 嚟講一 啲都唔重要。」


Ronny前任女友
Ronny與前女友粉墨登場做 model，為自己的 studio拍攝婚紗相做 sample，客人見到感覺親切，吸引不少客人落單指定影這間。


Ronny現任女友
記者笑言他一個接一個的韓國 model女友實令不少港男羨慕，攝師都說要學韓文了！


Ronny好型，特地在韓國公司附近開餐廳，供員工免費享用午膳。「韓國同事最着重餵飽個肚！」

韓國做生意
比內地更難

像 Ronny這麼年輕的外國人在韓國商界立足一點也不容易， 19歲那年他離家出走去韓國，覺得發展中國家商機處處，於是帶一本韓語書及 2萬元起行。「好快就發現，要 喺當地搵食，一定要識韓文，我自學，再加做苦力、 cafe侍應生 嚟實戰，半年已講得一口流利韓文。」
半年後他轉做導遊，賺到第一桶金，「因為當地講廣東話 嘅導遊好渴市，所以我好多 job，加上 talk得， 啲客狂 shopping，抽到好多佣，當時月入至少十萬，試過俾同事打，怕我搶飯碗，但我一於少理，努力賺錢，實現創業之夢。做導遊時我試過一炮用 cash去買架保時捷，人 哋覺得我年少無知，其實都係為日後傾生意之用，韓國人都好睇排場。」

陪飲送禮加奉承

Ronny說韓國人固執要面子，比中國人更甚，所以傾起生意來更難，「陪飲、送禮、奉承一樣都唔少得，佢 哋做生意感覺為先，佢 buy你乜都得，我做過導遊湊慣客，所以難唔到我，要畀佢知我係幫佢諗。」此外，韓國人很重視輩分，一日老闆，終身也是老闆，儘管 Ronny今日是 s.a.wedding的老闆，面對昔日上司及老闆，都會自動降呢，一定用回敬語。「都好得意，間間旅行社都有彈客畀我，惟獨我做過 嗰間冇，可能老闆過唔到自己 嗰關，我都體諒， 喺韓國做生意一定要軟功行先，有好多學問，所以我都唔擔心有人去搶我飯碗，因為外國人要 喺韓國立足都唔係咁易！」

s.a.wedding
網址： http://www.saseoul.com/s.a/wedding

員工 Sharon

我 喺香港飛去韓國專責協助客人揀相，由影至揀相全部跟足，我都學到唔少韓文及韓國文化。 

撰文：陸伊琳
攝影：黃家活
部分圖片由受訪者提供