I物

i小物　玩奇技

2012年11月28日 ~~ 第288期 Face

講起 iPhone同 iPad配件，畀人感覺都係賣靚裝多過實用。不過 i系 gadget長出長有，新一代 i系配件，已經唔只靚仔咁膚淺，仲加入大量新奇功能。好似簡單一個膠殼，加個細喇叭 喺旁邊，手機音量就可能即時升呢。就連一個小膠兜都內有乾坤，拉開暗格即變身機座。件件身懷奇技，有內又有外。

膠笠小喇叭 Siliconetech Speaker Case

唔少錫機 user都好 buy膠殼，因為易拆易除又唔怕刮花手機。呢款專為 iPhone 5而設 嘅 Siliconetech Speaker Case，就有齊以上優點，仲 喺右下角加個小型喇叭，提升手機 speaker聲量。佢原理係響機底出聲位置，將膠殼稍為偷薄，形成一個小管道，將聲音集中 喺喇叭位爆出，所以外形較同類產品小巧得多。實試表現，聲量的確大 咗，但音效就有 啲拆，較適合間中同 friend一齊睇片就幾方便。
售價：$138（ a）


喇叭位係個迷你出氣孔，並非內藏電子儀器。


掀開膠殼內部， iPhone speaker位置偷薄 咗，形成一條氣管，將聲音集中後，於喇叭位爆出，令音量提升。


唯一失色，係背面冇乜設計，比較簡單，唔算好靚。

3段變身 BlueLounge Nest

呢幾個 sharp爆細膠兜，放 喺書 枱擺萬字夾等小物絕對一流。最估唔到四方框面用上特別塑膠打造，令 iPad可以打平放 喺上面兼吸到實一實。嫌呢個角度唔夠好？原來佢內藏暗格，拉出後就係一個細支架，畀 iPad企定，一物三用。
售價：各$128（ b）




拉開一個抽屜位，原來係個小小支架，個兜位又可以放雜物。


四邊 嘅膠框原來用上特別物料，平放部 iPad喺上面，就吸到實一實。

膠吸手機 BlueLounge Milo

好多皮殼都可以變身手機座，不過硬淨程度就認真一般。換做膠底座，帶出街又怕笨重。如果好似呢款 Milo咁，設計簡單又輕身，又有特別塑膠面盤，可以吸實手機，就有吸引力得多。雖然冇得校角度，但勝在裝拆容易，加番分。
售價：$128（ b） 

彩色集線 BlueLounge Cable Drop

筆者張書 枱既有電腦線，又有手機充電線，唔勤力 啲整理，每隔一、兩日就會黐埋一團好混亂！如果有呢幾粒彩色線夾，將唔同電線分門別類，整齊之餘仲唔使成 枱只得黑黑白白，做起 嘢都特別醒神。
售價：$78（一包 6個）（ b） 

無線傳輸 Aron Qbox

第 4代 iPad加快處理器，仲配埋個靚芒，睇相一流。不過要過相到 iPad，以前都要各買一個 SD咭、 USB手指轉插至得。唔想一手都係線，只要將呢個 Aron Qbox同 iPad用 WiFi連接，再插 SD咭或 USB手指入 Aron Qbox，就可以透過 iPad睇相。簡單一句就係 iPad嘅無線 card reader，用落方便。
售價：$530（ c） 

Shop list：
a） ECT（ 3188 0767）
b） Silicom（ 2369 2525）
c）冠恒（ 3619 6500）