比劉華細 1年、 50歲的江華，記者一叫他擺 pose影相，佢即時就 chok出皇帝款。幾年冇見，江華霸氣依然，不過感覺佢比以前平和咗，佢話係因為近年與太太一齊加入基督教，學識放下，無需強求。
搜尋氣
江華屋企冇電視
近排高登仔又搞咗個「男神榜」，連幾乎列為失蹤人口的江華都有提名，高登仔話最愛佢做皇帝夠霸氣。上週三（ 21日）江華更聯同陳庭威、潘志文、林韋辰組成「亞視 Big Four」喺 55周年深圳台慶晚會出現唱金曲，成為全晚悶騷的唯一亮點。
50歲的江華，由 86年入行拍電視劇，演得最多皇帝角色，又最愛扮劉德華，連劉天王都試過讚佢：「江華比劉華更劉華！」
8年冇拍劇的江華，近年間中同老婆麥潔文出外登台，曾話過唔再拍劇嘅華哥，現在甚至連電視都唔睇，更加唔知男神係乜！
今次組成「亞視 Big Four」係亞視嘅 idea，你問我點睇亞視？我覺得亞視唔係冇得救，佢以前都好風光。我覺得亞視第一件要做就係拍番劇，始終一間電視台要有自己製作嘅電視劇先似樣。我拍劇咁多年， ATV同 TVB都做過好耐，我明白電視台始終係賺錢行先，所以好多嘢都有限制，好似 04年喺 TVB拍添哥（李添勝）監製的《楚漢驕雄》，當時 cut咗好多 budget，有一場千軍萬馬嘅場面，點知出到嚟係我做「千軍」，秋官做「萬馬」，我明白電視劇的運作模式，只可以講每個人要嘅嘢唔同。
上週三（ 21日）亞視深圳 55周年台慶，「亞視 Big Four」一出場就成為全晚亮點，亞視四大小生輪流唱劇集金曲，輪到江華獻唱時，台下反應最勁！
江華與麥潔文 92年結婚至今一直恩愛，近年兩夫妻間中外出登台搵銀，互相做對方助手，江華話出去做嘢順便可當度蜜月，一舉兩得。《蘋果日報》圖片
我兩公婆 𠵱家都唔睇電視，我哋屋企連電視都冇。電視台咁多年一直仲係同一個模式運作，所以後期想停吓。最怕係一啲好似白紙咁平咁冇嘢嘅角色！我 𠵱家做嘢為開心，邊間電視台搵我都 welcome，最重要係有好劇本及一班共同努力的團隊啫！
男神榜有我份？咩係男神呀？（即係好似女神的意思！）哈哈哈……網友抬舉我啫，我好少上網，唔知 𠵱家喺網上仲會提起江華。仲有人會懷念或討論我以前嘅劇集，我好開心，我知我對唔住啲觀眾，我都希望可以快啲同大家見面。
03年 TVB劇《九五至尊》， 𠵱家都仲有高登仔話要重溫，江華話拍呢部劇係可遇不可求，而當年江華與拍檔張可頤，亦憑此劇奪得當年的「我最喜愛的電視角色」。
04年江華拍畢《楚漢驕雄》後就冇再拍劇，，佢話有次喺《真經典》演唱會中，仙杜拉話：「你好自私，成日收埋自己唔出嚟，上天畀你咁好條件，唔應該係咁！」終於令佢有重出拍劇念頭。
留言列表
