FACEweekly
末日之後 Robynn& Kendy
第一張大碟題材唔夠入屋,新碟主題會是甚麼?
R:上一張大碟《 Robynn& Kendy》歌曲太內心了,〈小說伴咖啡〉及〈不用太趕〉都係我哋 2人的生活態度,但不夠 relate to聽眾。新歌〈 Say Goodbye〉歌詞「喜愛探險的我,其實厭悶了工作,喜愛妄想的我,其實怕受到束縛。」就係講我哋目前工作上面對的難題及唔開心。我哋想做一張現在式又坦誠的專輯。
Off duty的你哋多做甚麼?
R:我好鍾意同屋企隻牛牛傾偈。佢係我 20年前於玩具反斗城買的,本想送畀美國的監護人,但佢太可愛啦,所以自己 keep住,佢係我最好朋友。
K:我幾鍾意做運動,得閒會同朋友打羽毛球出一身汗!
入行 1年,有乜檢討、可進步?
R:要將歌唱好一點,學識同大家 present自己,學識唔好再响音樂會的歌與歌中間 dead air。我哋唔係王菲 cool爆唔講嘢,而係唔識講嘢有冷場。
K:要學識紓緩工作壓力, 𠵱家會多做運動,最想同家人去旅行。我想去跳新西蘭 bumpgee jump……
作、唱、編都是自己造?平時去邊寫歌多?
R:我哋鍾意蒲 cafe,我經常去西貢海邊的小店。
K:我就鍾意去大型連鎖 coffee shop。睇住窗外的人為生活而忙,而自己卻樂得悠閒,好似自我世界的時間停頓咁,呢個 mood容易寫出歌。
早前你哋唱 Acapella拍《 National Geographic》的環保廣告,平時生活如何環保?
R:我會自備膠盒去買外賣。
K:我會留起用完的膠樽循環再用,每次出街個袋都會有兩個空樽。一人出一分力,真係可以改變世界。
你哋在 YouTube以 50萬點擊率發跡,有喜愛的 YouTube music artist嗎?
R:有呀,我鍾意 David Choi,仲翻唱過佢嘅作品《 That Girl》。
K: Jason Mraz雖然已經好紅,但佢 𠵱家仍有用 web cam於睡房拍片上載到 YouTube,佢個 channel都好好睇。
Check
Robynn& Kendy成名作 50萬 hit rate
上年以 Acapella形式翻唱劉德華的〈你是我的女人〉在 YouTube走紅,至今錄得 50萬 hit rate。 Robynn本名葉晴晴,在美國攻讀心理學。 Kendy本名孫曉慧,於英國主修經濟,考獲皇家音樂聲樂八級文憑及倫敦音樂學校音樂表演文憑。曾簽約東亞唱片成為旗下作曲人。
留言列表